Recoñecen a Muxía como a localidade máis acolledora de toda España
Suso Souto
O concello de Muxía será condecorado como a localidade máis acolledora de España e a mellor valorada polos turistas nos premios Traveller Review Awards 2024, que organiza o buscador de viaxes Booking.com. Estes galardóns, outorgados a nivel mundial desde 2012, pretenden recoñecer o labor e a calidade dos servizos turísticos en base ás valoracións verificadas da súa comunidade de viaxeiros, procedentes de máis de 220 países e territorios. Esta
edición contou coas recensións de máis de 309 millóns de usuarios e usuarias da plataforma.
O alcalde, Iago Toba, será o encargado de representar ao municipio muxián e recoller este recoñecemento para o turismo da vila na gala que se celebrará o día 25 de abril en Gijón.
Esta distinción recoñece o labor das empresas e persoas que participan na cadea do turismo da localidade, así como do Concello, no seu compromiso por ofrecer a mellor experiencia para que as persoas que visitan Muxía poidan descubrir a beleza, cultura e tradicións do municipio. O rexedor sinalou que “este premio é unha confirmación do éxito da campaña Muxía Bonita, ademais dun recoñecemento do magnífico traballo realizado polos profesionais do turismo e a hostalería do noso municipio, que é un gran enclave paisaxístico”.
- El Correo Gallego - Diario de la capital de Galicia
- O Sen-Son do Camiño': oleada de críticas en redes por el sonido del concierto de Green Day
- ¿Qué hace Von der Leyen en la romería popular de O Pino?
- Sanmartín afea a Rueda que “non recoñeza a capital de Galicia” y reclama un encuentro bilateral
- Nueva etapa para la Sala Capitol: cambia de gerencia con cuatro empresarios de Santiago
- Las colas para pulserarse para Son do Camiño en As Cancelas dan la vuelta al edificio
- El marisco más cantarín de Galicia está al borde de la desaparición en las Rías Baixas: urgen medidas
- Teté Niños echa el cierre tras 52 años siendo un referente en Santiago: 'Gracias por vestir a nuestros niños