Máis de cen escolares de Ames desfrutan da Primavera Lúdica
O programa inclúe os servizos Bos días e comedor
As actividades céntranse no mundo das abellas
Redacción
Un total de 105 nenas e nenos participan desde o luns na Primavera Lúdica de Ames, que se desenvolve nos colexios da Maía e Ventín para facilitar a conciliación das familias durante as vacacións escolares de Semana Santa. As actividades, impartidas de 07.30 a 16.00 horas, inclúen os servizos de Bos días e comedor, e terán continuidade ata o luns.
Baixo o lema Aventuras zumbantes!, o programa deste ano céntrase nas abellas e no fundamental labor que realizan para a conservación da biodiversidade e o equilibrio do medio natural. Os pequenos participan en xogos de preguntas, nunha xincana e tamén en dinámicas sobre a diversidade e a súa importancia social.
A concelleira de Planificación e Xestión Educativa, Carmen Porto, achegouse ata o CEIP da Maía e subliñou que “estes programas son un dos sinais de identidade do Concello de Ames e resultan fundamentais para conciliar. Permiten a creación de vínculos entre nenos e nenas de distintos cursos, nos que se fomenta que se axuden uns aos outros”.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ames reconfigura as subvencións, despide a Santomil e axudará tamén a inscribir galiñeiros
- Padrón celebra o seu San Xoán de Raio coa comida de confraternidade
- Incautan 114 kilos de navaja y longueirón en O Freixo y Porto do Son
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- El talento y la innovación en la FP
- Vimianzo busca actores e actrices para dar vida aos Irmandiños que asaltarán o castelo