Conversa literaria de Modesto Fraga e Rafael Mouzo ao redor da figura de Don Emerito en Fisterra
O poeta fisterrán reiterou a petición de que se lle adique a Praza da Constitución
O exalcalde corcubionés reivindica que os seus restos e os da súa dona descansen na vila
O Hotel Bela Fisterra abriu as súas portas a un novo encontro literario ao redor da figura de Desiderio Paz Figueroa, mais coñecido como Don Emerito, un médico que chegou á vila fisterrana en 1909 e que se converteu no "grande impulsor de todas as actividades sociais e culturais do municipio", segundo o escritor Modesto Fraga, quen recuperou a súa vida e obra nun novo libro da Biblioteca da Fisterranía.
Fraga comparteu conversa co exalcalde de Corcubión, Rafael Mouzo, e converteron o acto de lembranza e exaltación da figura de Don Emerito nun espazo de reivindicación. Así, o poeta fisterrán reiterou a súa petición para que o Concello renomee a Praza da Constitución e pase a chamarse Praza Don Emerito. Pola súa banda, Mouzo Lago entende que os restos mortais de Desiderio Paz e a súa dona Jesusa deberían descansar en Fisterra.
Xosé Manuel Lobato presenta ‘Natureza Camiño Emocións’ no hotel literario Bela Fisterra
Modesto Fraga, xunto co polifacético escritor fisterrán Roberto Traba Velay e a escritora ceense Ainhoa Conde, recitaron varios dos poemas de Don Emerito. Da presentación do acto encargouse o xerente do Bela Fisterra, Pepe Formoso.
Temas
Más en Área
-
O rexeitamento a un vertedoiro en Niveiro enche a capital de Val do Dubra co apoio do Concello de Trazo
-
Feiradeza promociona o gando selecto en Lalín do 7 ao 9 de xuño cos mellores exemplares bovinos a concurso
-
Clun e Fefriga unen forzas para formar aos gandeiros do futuro que garantan o relevo xeracional en toda Galicia
-
El PSOE de Santa Comba saca adelante unos presupuestos a la baja por 9,9 millones con la oposición del Partido Popular