Verea defende a viabilidade do Paseo de Galicia, o proxecto para peonalizar o centro de Santiago
Borja Verea di que esta actuación, que proxecta soterrar o tráfico entre Porta Faxeira e Virxe da Cerca será o primeiro paso para "desbugallizar" a capital galega
“O vindeiro 18 de xuño, como alcalde, iniciarei este proxecto, peonalizar 20.000 metros cadrados, Virxe da Cerca, Praza de Galicia, a Senra e Porta Faxeira, e soterrar todo o tráfico excepto, evidentemente, transporte público e escolar, propietarios, provedores, comercio e praza de Abastos”. Así comezaba o seu discurso o candidato do PPdeG á Alcaldía de Santiago, Borja Verea, sobre o que denominou Paseo de Galicia e logo de darlle a benvida á campaña electoral ao expresidente do Goberno, Mariano Rajoy, que o acompañou na xornada dominical.
Verea propón o soterramento do tráfico entre A Senra, Praza de Galicia e Virxe da Cerca
O proxecto de Verea é “técnica e economicamente viable”, dixo o candidato, que puxo exemplos de proxectos semellantes que se están a levar a cabo na Porta do Sol, en Vigo, ou que xa se desenvolveron, coma as obras do Parrote na Coruña. “Estamos aburridos de ‘isto non se pode, isto non se quere facer’”, explicou o candidato popular, “e como dicía, é o mellor momento, agora, para ‘desbugallizar’ Santiago e darlle unha oportunidade ao futuro”. Verea tamén se dirixiu á cidadanía pedindo “un último esforzo” para que os populares gañen as eleccións.
Temas
Más en Elecciones municipales
-
Los concellos del Barbanza constituyen sus corporaciones locales: Luís Pérez ya es alcalde de Ribeira
-
El Bloque de Noia descarta entrar en un cuatripartito, pero se ofrece a investir al socialista Fran Pérez
-
La alcaldesa de Santiago responde a Verea: "Hai algunha forza política que aínda non asumiu o resultado das eleccións"
-
La gestora del PSOE de Santiago nombra a Gonzalo Muíños nuevo portavoz de los socialistas