Traballadoras e traballadores de Correos, xunto cos sindicatos CCOO, UGT, CIG e SL, concentraranse este martes 23 de maio ás 14 horas, no centro de tratamento automatizado da Lavacolla. Está convocada folga para os días 23, 24 e 25 de maio de 2023.
Denuncian a situación do persoal con relación laboral fixa de xornada a tempo parcial, porque practicamente non teñen opcións de conseguir un traballo a xornada completa, malia levaren máis de dous ou tres anos no centro de traballo.
Isto, sinalan, abócaos a unha situación de «precariedade laboral», mentres que persoal de novo ingreso que tomará posesión na nova consolidación de emprego antes de que remate o ano 2023 e gozarán de contratos fixos con xornadas completas.
