O Concello rectifica os criterios de admisión nos Clubs de Verán dos centros socioculturais
Ata agora pedíase que a cativada tivera a idade esixida cumprida na data de celebración da actividade na metade destes espazos
A Concellaría de Centros Socioculturais vén de abrir o prazo de inscrición nos seus Clubs de Verán, que se desenvolverán no mes de xullo en 15 equipamentos da rede, oito deles na zona urbana e sete no rural.
Ata onte mesmo, segundo o centro sociocultural no que se desenvolvese a actividade empregábase como criterio de admisión no club que o neno/a tivera unha idade cumprida ou que tivera nacido nun ano concreto. “Esto supón un trato totalmente discriminatorio para os nenos segundo o seu mes de nacemento e non ten lóxica ningunha. Ademais, para os pais supón ter que buscar outras alternativas máis caras para conciliar, polo simple feito de que o menor nacera na segunda metade do ano”, comentou en conversa con EL CORREO a compostelá Laura Rodríguez, quen enviou unha queixa ao concelleiro Xan Duro.
Por ese motivo, o persoal técnico do departamento está traballando xa para aprobar a corrección nos próximos días. “Este xoves estarán feitas as correspondentes actualizacións no folleto incluído na web municipal para que sexa pública a modificación”, manifestan.
Deste xeito, o único criterio a ter en conta será o ano de nacemento.
As preinscricións no programa deberán facerse antes do luns 20 de maio, ben a través da sede electrónica do Concello de Santiago ou remitindo a ficha de preinscrición ao correo electrónico viveoveran@santiagodecompostela.gal. O 30 de maio publicarase a lista de admitidos, 4 de xuño difundiaranse as listas provisionais, e o sorteo público das prazas no caso de existir maior demanda que oferta será o 5 de xuño no CSC de Cornes. A partir do 7 de xuño publicarase a lista definitiva de persoas admitidas e reservas, e a formalización do pagamento deberase facer do 10 ao 17 de xuño.
En total, ofértanse 425 prazas para nenos e nenas desde os tres ata os 18 anos, dependendo do centro e da actividade. O medio ambiente, as novas tecnoloxías, e a interculturalidade serán algunhas das temáticas sobre as que se traballe no marco deste programa.
Os centros urbanos son os de Pontepedriña, Castiñeiriño, Vite, Fontiñas, Santa Marta, Romaño, Conxo e Ensanche. A Gracia, Bando, Marrozos, Lavacolla, Laraño, Figueiras e Nemenzo son os centros do rural.
- La tienda temática de Harry Potter más grande de España abre sus puertas en Santiago
- Estrella Galicia lanza la canción del verano: así suena el tema compuesto por un popular artista compostelano
- El jefe de la Policía Nacional de Santiago cesa de su cargo y se va a la Comisaría de La Rioja
- Casi un año esperando licencia en Santiago para instalar un ascensor y aislar la fachada: “É unha vergoña”
- La residencia de estudiantes del viejo hospital de Galeras costará unos 900 euros al mes
- La heredera de Rosario Porto cerró la venta del chalé de Teo en 150.000 euros
- A residencia de estudantes do antigo hospital de Galeras funcionará como hotel durante o verán
- La odisea de alquilar un piso para dormir durante O Son do Camiño: "Es imposible encontrar algo por menos de 1.200 euros