Alumnos do IES de Valga compararán a calidade do compost comercial e o que producen
Supervisado polo investigador científico Pedro Revilla, profesorado do IES de Valga e o mestre composteiro do Concello, Yoel Castro, o alumnado do ciclo de Agroxardinería e composicións florais deste instituto está a calibrar a valía do compost producido no seu propio municipio cunha plantación de millo, tomate, leitugas e xudías no vello campo de fútbol de Baño.
Así, aplicáronse dous tipos de abono para comparar os resultados: un a base de compost natural producido no composteiro comunitario do colexio Baño-Xanza e mais compost comercial. Ademais, axudados dunha moto aixada, removeron a terra para integrar nela o abono. Posteriormente, fixeron a plantación, incluíndo tanto semente coma especies xa agromadas.
A veciñanza de Valga composta o doce por cento dos residuos que se xeran na localidade
O obxectivo é que na época de colleita se tomen datos sobre a altura das plantas, rendemento e caracteres específicos de cada cultivo. Ademais, en colaboración coa Universidade de Vigo, realizarase unha análise de posibles contaminantes que teña o compost e que poidan traspasarse ao solo ou incluso á planta.
Búscase poñer en valor as potencialidades do compost urbano para uso agrícola fronte a outros fertilizantes e demostrar que é óptimo e non ten repercusións negativas ou indesexadas.
Temas
Más en Área
-
Ribeira pon en valor o traballo das mulleres no mar
-
Iago Toba denuncia que BNG, PP e Independientes negocian una moción de censura en Muxía
-
El festival Bacanito, que se celebrará en Boiro los días 12 y 13 de julio, confirma ya un cartel de 19 DJ’s
-
O melidense Vicente Vázquez Vidal gaña o premio Francisco Añón de poesía na categoría de maiores de 18 anos