O Bela Fisterra obtén o certificado de Hotel Xusto e laboralmente responsable

O Bela Fisterra vén de obter a certificación de Hotel Xusto e laboralmente responsable, creada no 2022 e avalada pola Secretaría de Estado de Turismo. Una aval que naceu do compromiso adquirido entre a Federación de Servicios CCOO, a Federación de Servicios Movilidad y Consumo de UGT (FeSMC-UGT) de España e UNITE HERE de Estados Unidos e Canadá. Ten como obxectivos sensibilizar a empresarios, empregados e especialmente a clientes e cidadanía sobre  a relevancia do traballo decente e o turismo socialmente responsable.

O xerente do Bela Fisterra, Pepe Formoso, asegura que no seu establecemento "sempre fixemos unha aposta decidida pola calidade laboral dos nosos empregados, nuns tempos onde o mercado de traballo se atopa moi desestabilizado".

O hotel fisterrán conta ademais coas distincións S de Sostibilidade, Q de Calidade, Galicia Calidade (polo proxecto) e Galicia Calidade Xeotermia, ademais de sete premios de deseño, cinco deles internacionais. "Seguimos fieis á máxima que forma parte do noso ADN: todo o que non se evalúa, se devalúa", afirma Formoso.