Laxe recibe unha doazón de documentos históricos e fotos antigas
Foron legados pola familia de Lucía Martínez Pérez
J. M. Ramos
O Concello de Laxe vén de recibir unha doazón de documentación histórica por parte da familia de Lucía Martínez Pérez, a cargo do seu fillo Joaquín Vidal Martínez, por desexo expreso de súa nai, que finou o pasado 2 de febreiro. Trátase de documentos, tarxetas postais e fotografías antigas que se atopaban na súa posesión, “que aportan un gran valor histórico, cultural e patrimonial para o municipio”, subliñan.
Ademais de distintas fotos antigas de diferentes localizacións, a achega contén dous documentos do ano 1854. Un deles é unha descrición dos servizos existentes do Partido Xudicial de Carballo de 1905, 1913 e 1925, e o outro é un escrito do alcalde de Camariñas ao seu homólogo de Laxe do ano 1852 no que se solicitaba localizar a unha muller que fuxira cun carabineiro desa localidade, abandonando ao marido e aos fillos, entre outra moita documentación interesante.
Con esta doazón, a familia da finada e doante quere “agradecer as mostras de dor dos veciños e das veciñas do concello”, deixándolle este agasallo para o seu recordo. Dende a administración local agardan que contribúa “a engrandecer o patrimonio histórico e cultural do municipio laxense”.
- “A nivel salarial non está en absoluto recoñecido o labor que fan os alcaldes”
- Ames executa obras por valor de 2,76 millóns en Bertamiráns, Milladoiro e núcleos rurais
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ordes enxalza os champiñóns e A Estrada acolle as actividades do Día da Xuventude
- El 'hotel rosa' de Vedra, entre los diez mejores alojamientos de España para la Guía Michelín
- Maio Vintage: Boiro revive os anos oitenta cun mercado retro
- Boiro celebra o Día da Danza cun espectáculo protagonizado por cincuenta bailarinas de ballet
- La Inspección auditará el IES do Milladoiro para atajar la conflictividad