O Milladoiro rende homenaxe ao seu patrón
A Asociación de Festas do Milladoiro organiza dous días de festa esta fin de semana na honra a San Xosé
Haberá moita música, con pasarrúas e verbenas os días 22 e 23
BC
O 25 de outubro de 2009 marcou un fito na historia do Milladoiro, no municipio de Ames. Foi daquela cando se designou oficialmente como parroquia a Biduído que adoptou a San Xosé coma o seu patrón. Desde entón, a comunidade local honra este santo celebrando a súa festividadespróxima á data do 19 de marzo, Día de San Xosé e do Pai.
A Igrexa de San Xosé do Milladoiro, deseñada polo arquitecto David Fernández Nogueira, comezou a construírse no 2005. No 2007 quedaba inaugurada polo daquela arzobispo de Santiago. Julián Barrio, xunto ao párroco Jose Manuel Guldris “Josecho”.
Programación 2024
Este 2024, o ambiente festivo encherá as rúas do Milladoiro o viernes 22 e o domingo 23 de marzo, cando os veciños desta localidade, na parroquia de Santa María de Biduído, pertencente ao municipio de Ames, celebren con gran alegría a festividade na honra ao seu patrón, San Xosé.
As festividades darán inicio o venres 22 de marzo ás 21:30 horas na rúa Costa Grande cunha verbena que estará a cargo das recoñecidas formacións musicais Alborada e Os Satélites. A música e o baile serán a alma desta primeira xornada festiva, onde os asistentes poderán gozar dun ambiente de celebración e festa.
O sábado 23 de marzo, a mañá encherase de cor e tradición cun emocionante pasarrúas protagonizado polo grupo de gaitas O Son do Viso, que brindará aos espectadores unha mostra da música tradicional galega. A partir das 16:00 horas, os máis pequenos serán os protagonistas indiscutibles da Festa do Neno a partir das 16:00 no parque infantil da rúa Agro do Medio, un espazo pensado especialmente para a súa diversión e entretemento, con actividades recreativas e xogos.
O punto culminante chegará ás 21:30 horas co inicio dunha nova verbena, esta vez a cargo das destacadas orquestras Ocaband e Kubo, que prometen facer vibrar a todos os presentes coa súa música e animación, para facer da noite unha festa inesquecible.
Así, os veciños de O Milladoiro prepáranse para vivir dous días cheos de tradición, música e alegría na honra a San Xosé, o seu patrón, reforzando os lazos comunitarios e gozando de momentos de entretemento na compañía de familiares e amigos.
Restricións no tráfico
Con motivo destas celebracións na honra do patrón do Milladoiro, o alcalde de Ames, Blas García, publicou un bando no que informa de que este venres, 22 de marzo, estará prohibido estacionar na rúa Costa Grande desde o cruce coa rúa Figueiras ata o cruce coa rúa Travesía da Moa desde as 13:00 horas do día 22 ata as 8:00 horas do sábado 23 de marzo. Así mesmo, tamén estará prohibido estacionar no aparcadoiro de Supercor e na rúa Agro do Medio, desde o cruce coa rúa Pardiñeiros ata o cruce coa rúa Cruxa, desde as 10:00 horas do sábado 23 ata as 8:00 horas do domingo 24 de marzo.
LE AQUÍ O ESPECIAL DAS FESTAS DO SAN XOSÉ DO MILLADOIRO 2024
LE AQUÍ O ESPECIAL DAS FESTAS DO SAN XOSÉ DO MILLADOIRO 2024- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- Incautan 244 quilogramos de peixe que excedían o cupo diario dunha embarcación de Porto do Son
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- Melide e Padrón rexeitan unha planta de Greenfiber que afecta aos seus recursos
- La Inspección auditará el IES do Milladoiro para atajar la conflictividad
- Detenido Vidal Padín, 'El Burro', en un operativo vinculado al narcosubmarino 'Poseidón' y a las planeadoras de Ribeira