Luis Zahera e Costa-Gavras non poderán asistir á 37ª edición de Cineuropa

A entrega do Premio Cineuropa ao actor Luis Zahera vai ter que agardar. Unha indisposición do intérprete compostelán imposibilita a súa viaxe a Santiago, polo que o galardón se apraza á 38º edición do festival.

Cineuropa 37 reivindica o papel subversivo da comedia nesta nova edición

Zahera pediu ao equipo do festival que trasladase ao público a súa pena por non poder acudir a esta cita, así como o seu desexo de reencontrarse coa veciñanza de Compostela na próxima edición.

Neste senso, a organización do festival confirmou a este medio que os premios Cineuropa a Ana Torrent e a João Canijo si se entregarán nesta edición.

Así mesmo, Cineuropa mantén a proxección do filme El Reino, prevista para a tarde do 15 de novembro.

Carmen Claudín substituirá a Costa-Gavras

No tocante a Costa-Gavras, unha intervención cirúrxica menor pero non prevista tamén lle impedirá viaxar á capital galega.

Así, será Carmen Claudín a que presidirá a conmemoración do centenario de Jorge Semprún, en substitución de Costa-Gravas., sendo outra das personalidades máis próximas a Semprún.

Cineuropa comienza con lleno

Ao igual que Zahera, o director expresou a súa fonda tristeza por non poder participar neste acto de homenaxe aquen foi un gran amigo e compañeiro na viaxe creativa.