Corte de tráfico en Santa Marta por obras na rúa Luíz Vázquez de Parga
Por mor das obras pecharase ao tráfico dende o martes 9 ao venres 12 de abril
Continúan pechadas ao tránsito as rúas dos Lagartos, Algalia de Arriba e das Pedreiras, na Silvouta
El Correo Gallego
As obras de canalización do servizo eléctrico obrigan a cortar o tráfico na rúa Luis Vázquez de Parga, no tramo de cruzamento coas rúas Sempre en Galiza e Valentín Varela Iglesias. O corte producirase entre o martes 9 de abril e o venres12, polo que a veciñanza de Santa Marta que precise circular por alí deberá facelo a través das rúas Sempre en Galiza e Valentín Varela Iglesias.
Dende a mañá deste luns e até o vindeiro venres 12 de abril, vai permanecer pechada ao tráfico a rúa dos Lagartos, no barrio de San Pedro. A zona afectada será a do cruzamento entre Os Lagartos e a rúa das Chufas, o motivo é a realización de obras nun tramo da canalización do gas. Polo tanto, durante a semana a entrada e saída da rúa dos Lagartos deberá facerse pola Trisca, e o acceso ás rúas das Chufas e Campo do Forno deberá realizarse pola rúa de San Pedro.
Ademais desta restricción, que só afectará esta semana, outras dúas rúas seguen pechadas ao tráfico no concello dende o pasado día 2 de abril. Unha delas está na améndoa, na Algalia de Arriba, onde se están a realizar labores de mantemento do pavimento. Nesta rúa permítese o acceso peonil e a duración da reparación estímase en 6 semanas, polo que non se reabrirá ao tráfico até a segunda semana do mes de maio.
Mantense tamén durante todo o ano o corte na zona da Silvouta polas obras da nova estación depuradora. Está pechada a rúa das Pedreiras, a zona máis próxima aos traballos, polo que a comunicación entre os lugares da Silvouta e Laraño debe facerse a través da AC-543.
- Lavacolla se prepara para recibir a los viajeros de los vuelos desviados por el cierre de Peinador
- La USC nombra dos nuevos doctores "honoris causa
- Así es el impresionante palacete que recuerda a Downton Abbey: a la venta en Santiago de Compostela
- Crónica social compostelana | La familia De la Iglesia se reúne en honor a sus padres
- Joyas de Compostela: el arte de la orfebrería santiaguesa que los ourives han sabido preservar
- Atropello en Santiago: herido un peatón en la Rúa de Frei Rosendo Salvado
- Un recurso complica la contratación de las obras para terminar de rehabilitar el Palacete do Espiño
- Principio de acuerdo entre la Xunta y Raxoi para el nuevo aparcamiento en el Hospital Clínico