Parcela de Peleteiro: a Sareb rexeita todas as propostas do Concello de Santiago
A alcaldesa Goretti Sanmartín non pecha a porta a seguir negociando
Raxoi xa solicitou xuntanza cos ministerios de Vivenda e Facenda
O Concello de Santiago deu conta na mañá deste luns do rexeitamento por parte da Sareb de todas as propostas presentadas dende Raxoi en canto a urbanización da parcela de Peleteiro. O Executivo de Goretti Sanmartín xa convocou os colectivos que integran a comisión Peleteiro para dar conta destas negociacións, a reunión será o vindeiro 18 de abril.
La Sareb afirma que no hay grandes cambios en el proyecto del Peleteiro tras los requerimientos de Raxoi
Sanmartín explicou que dende o Goberno non se deu conta até agora do resultado das negociacións por mor da discreción que solicitou a propia Sareb, afirmou que dende Raxoi se mantiveron na mesa as propostas dos anteriores gobernos, e mais novas propostas achegadas dende que o BNG accedeu ao Goberno municipal, e todas elas foron rexeitadas, aínda que o Executivo local non se pecha a seguir negociando.
A este respecto, Sanmartín fixo mención ás palabras da ministra de Vivenda, Isabel Rodríguez, que se referiu a que a Sareb debe estar ao servizo das políticas de vivenda e anunciou a solicitude do Goberno local de reunirse tanto con ese ministerio coma co de Facenda -de quen depende a Sareb-.
La Sareb prevé desembolsar más de 15 millones de euros en la obra del antiguo colegio Peleteiro
Licenza en curso, o proxecto da Sareb
O rexeitamento da Sareb implica que non se manteña un 20% de vivenda de protección na parcela de Peleteiro, tan só unha cesión de espazo público que lonxe de ser a praza que quería Santiago quedará, inicialmente, nun tramo de rúa peonil orientado a San Pedro de Mezonzo.
Segundo contou o edil de Urbanismo, Iago Lestegás, está en trámite administrativo a licenza solicitada pola Sareb para a urbanización da parcela, paralizada agora á espera de que o planeamento subsane deficiencias detectadas polos técnicos municipais.
La Sareb quiere construir 40 apartamentos turísticos y un gran centro comercial en la finca del Peleteiro
A urbanización que quere levar a cabo a Sareb contemplan soto, baixo e primeiro andar de uso comercial, o terceiro dedicarase a ocio e restauración, entre o primeiro e o sétimo andares serán para uso de oficinas e do cuarto ao oitavo estableceranse vivendas, un total de 41 de uso libre, ningunha de protección.
Todos os usos contemplados deben cumprir as condicións de non superar os 1.000 metros cadrados e dispor de acceso independente.
Temas
Más en Santiago
-
Horarios de los conciertos del festival O Son do Camiño 2024 con Green Day como estrellas en Santiago
-
Trasladado al hospital tras sufrir un accidente con un patinete en la avenida de Castelao
-
La moda de los candados en monumentos llega a Santiago: el riesgo patrimonial del amor romántico
-
La colección ‘Mentes curiosas - curiosas mentes’, nueva apuesta del CSIC para divulgar mejor la ciencia