Raxoi agarda do Refuxio de Bando unha valoración de necesidades a resolver
A alcaldesa Goretti Sanmartín afirma que se realizaron “melloras importantes pero non suficientes” no canil
A alcaldesa de Santiago, Goretti Sanmartín, fixo este luns referencia á situación do Refuxio de Bando, a raíz dunha información publicada por este diario na que se facía referencia á saturación do canil, ás dificultades para manter a limpeza e a desparasitación e á incapacidade de proporcionarlle aos animais recollidos a atención médica e cirúrxica necesaria. Unha situación da que daban a voz de alarma os voluntarios a través dunha petición na plataforma change.org que supera as 10.000 sinaturas.
Segundo informou Sanmartín, o concelleiro de Dereitos dos animais, Xesús Domínguez, mantén reunións periódicas tanto co persoal do refuxio coma cos voluntarios do mesmo e asegura que se veñen de facer nas instalacións “reformas importantes pero non suficientes”. “Levamos tendo reunións por parte da Concellaría coas persoas, tanto voluntarias como responsables do refuxio, e unha vez acabadas as reformas espérase unha valoración das necesidades que ten estes momentos”.
A alcaldesa de Santiago insistiu nas súas declaracións no Pazo de Raxoi en que o Goberno local permanece á espera de que dende Bando se achegue dita valoración e lembrou tamén que a problemática non difire doutros canís, en relación á saturación e á falta de medios, recalcou a disposición do Goberno que lidera para estudar as distintas opcións de mellora que se propoñan e deixou tamén enriba da mesa que se trata dun canil que dá servizo non só á cidade senón tamén aos concellos da contorna.
Neste sentido, e en especial en relación coa saturación do refuxio, a rexedora municipal quixo facer unha chamamento á cidadanía “de concienciación e sensibilización fronte ao abondono de animais”, en especial nestes momentos sobre todo de cans e de cadelas, “un chamamento á comprensión respecto de non seguir abandonando”, insistiu.
Ao respecto da situación dos animais sobre a que alertan os voluntarios do Refuxio de Bando, Sanmartín non fixo valoracións, pero segundo as informacións achegadas polos voluntarios e recollidas en EL CORREO GALLEGO. “non se cumpre a Lei de Benestar Animal”. Segundo indican, “o informe da veterinaria demostra que non están facendo nada para mellorar as cousas. Continuamente hai pelexas, cans mordidos e mortes. O centro non funciona ben e non se promoven as acollidas”.
Por todo isto, a intención do persoal é a de trasladarlle, no curto prazo, a situación do refuxio ao padroado da fundación que o xestiona e á súa presidenta, Goretti Sanmartín, porque “a todos lles compete solucionar a situación”, explican os voluntarios.
- El dueño de un bar de Santiago y otras dos personas acaban en el hospital tras ingerir sin saberlo un pastel de marihuana
- Deportes Cibeira echa el cierre después de 45 años: “Con algunos clientes te saltan las lágrimas”
- Crónica social compostelana | Jubilación en Monte do Gozo
- Una mirada al pasado de Santiago en color: así era la Compostela de principios del siglo XX
- La empanada esculpida en el Pórtico de la Gloria: el manjar que los godos trajeron a Galicia
- El parricidio de Brión: la muerte a hachazos del Dr. Antonio Pensado estremeció a la sociedad compostelana
- Confirmada la Panorama en Santiago: Raxoi hace oficial el lugar de la actuación pese a las advertencias de Apatrigal
- Los futuros médicos celebran su graduación por todo lo alto en el Multiusos Fontes do Sar