A biblioteca de Padrón organiza obradoiros e xogos para conmemorar o Día do Libro
redacción
O Mes do Libro xa comezou en Padrón cos preparativos das actividades que preceden ao día propio, o martes 23 de abril. O consistorio procura a promoción da lectura entre a cidadanía, recoñecendo o valor da literatura na sociedade e, ademais, homenaxear o labor dos autores. Coa mirada posta nesta xornada, a biblioteca municipal padronesa organiza tres actividades dirixidas aos cativos e ás familias. A primeira de todas ten lugar hoxe a partir das 18.00 horas, dirixida aos nenos e nenas desde un ata os cinco anos co nome O Xogo do Nano. Esta obra forma parte dos Nanocontos escritos por Raquel Queizás e pretende estimular as habilidades de percepción especial e psicomotricidade dos máis pequenos a través de historias adaptadas para captar o seu interese.
As outras actividades terán lugar o 23 e o 30 de abril. A primeira está destinada para toda a familia con Son super!, un obradoiro de arteterapia que comezará ás 17.00 horas. Os máis pequenos expresarán as súas emocións, sentimentos e experiencias mediante imaxes, trazos e cores. A segunda será o obradoiro Xogando coas nubes, indicado para idades dende os sete anos ata os quince. Os rapaces crearán deseños creativos con técnicas pop up.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- A Estrada pon en valor os produtos agroalimentarios locais na segunda feira multisectorial de San Xorxe
- Incautan 244 quilogramos de peixe que excedían o cupo diario dunha embarcación de Porto do Son
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- Melide e Padrón rexeitan unha planta de Greenfiber que afecta aos seus recursos
- La Inspección auditará el IES do Milladoiro para atajar la conflictividad