URBANISMO
Vinte e dúas actuacións contra o impacto paisaxístico en vivendas e bens públicos de Costa da Morte
Cabana acondicionará a escola da Piolla, a reitoral de Nantón e a fonte de Mata
Cee cubrirá os contedores do lixo en Ameixenda
De Salvador, esquerda, Muíño, Do Campo e Allo na casa reitoral de Ameixenda, en Cabana / X.
J. M. Ramos
A Costa da Morte recibirá axudas por valor de máis de 100.000 euros para corrixir impactos paisaxísticos en 20 vivendas particulares e inmobles e bens municipais dos concellos de Cabana e Cee. Así o confirmou este venres a delegada da Xunta, Belén do Campo, durante a súa visita ao municipio cabanés, onde estivo acompañada polo director do Instituto de Estudos do Territorio (IET) de Galicia, Enrique de Salvador, o alcalde, José Muíño, e o concelleiro Carlos Allo.
Alí visitaron a reitoral de Ameixenda (Nantón), na que se acondicionará o exterior e a cuberta, e a escola da Piolla, na que se renovarán os acabados exteriores. Ademais, o Concello de Cabana mellorará a fonte da Mata. Contará cunha axuda de 32.000 euros para acometer as tres actuacións referidas.
Outro dos concellos beneficiarios é o de Cee, que recibirá 12.345 € para cubrir os contedores do lixo de Ameixenda, segundo confirmou a alcaldesa, Margarita Lamela. Unha actuación que vén complementar a cubrición dos colectores do casco urbano de Cee e os de Lires, por onde discorre o Camiño xacobeo.
Do Campo explicou que no ámbito de Bergantiños e Costa da Morte concedéronse outras 20 axudas a particulares de Cee, Coristanco, A Laracha, Muxía e Zas, que ascenden conxuntamente a case 60.000 euros.
A delegada explicou que na convocatoria deste ano aprobáronse en Galicia 50 axudas a concellos -para 64 actuacións- e máis de 340 a particulares, ata esgotarse os 2 millóns de euros orzamentados: un millón para as entidades locais e outro millón para os particulares . As subvencións cobren ata o 70% do orzamento subvencionable “para seguir promovendo o fermosismo” e brindar apoios para “corrixir edificios mal conservados ou que afean a paisaxe e as contornas”, afirmou.
Este é o cuarto ano consecutivo que o Goberno galego aposta por este programa, impulsado en 2021 polo Instituto de Estudos do Territorio. Neste senso, Enrique de Salvador sinalou que nos últimos catro anos concedéronse 2.374 axudas por valor de 9,6 millóns de euros.
- El electrodoméstico que sustituye al horno y a la freidora de aire ya cuesta menos de 40 euros en Lidl
- El Correo Gallego - Diario de la capital de Galicia
- Mueren los conductores de dos vehículos tras colisionar en la carretera nacional N-550 a la altura de Ordes
- El desayuno que atrasa el envejecimiento y toma a diario Amancio Ortega
- Una gran bola de fuego ilumina el cielo de Galicia y Portugal: '¿Lo habéis visto?
- Así es el paraíso oculto entre las montañas gallegas: la aldea más escondida tiene alojamientos exclusivos y está a dos horas de Santiago
- Casi un año esperando licencia en Santiago para instalar un ascensor y aislar la fachada: “É unha vergoña”
- Moncho Fernández se marcha del Obradoiro a coste cero al existir una claúsula en su contrato
