INNOVACIÓN
Impulsan tres novos proxectos desde Lab Barbanza, en Boiro
Os emprendedores optimizarán prácticas no agro e transformarán algas en fertilizantes
Fomentarán o uso de elementos urbanos como soportes publicitarios
J. M. Ramos
O espazo coworking Lab Barbanza, de Boiro, acolle tres novos emprendedores que apostan pola tecnoloxía para desenvolver uns innovadores proxectos orientados cara os sectores do agro e do mar, e tamén o da publicidade nos ámbitos urbanos. O alcalde, José Ramón Romero, visitou este mércores o Centro de Formación e Viveiro de Empresas de Espiñeira para coñecer aos novos coworkers.
Entre estas novas empresas, moi comprometidas coa tecnoloxía, destacan, segundo subliñan desde o Concello de Boiro, unha start up con enfoque tecnolóxico orientado a mellorar os procesos industriais e de cultivo. Mediante un sistema de captura de datos os promotores desta iniciativa conseguen ofrecer solucións innovadoras que permiten integrar a perspectiva sostible optimizando prácticas no agro, na xestión dos recursos hídricos e a conservación de ecosistemas mariños.
Outra das iniciativas vai levar a cabo un proxecto que busca aproveitar as algas que chegan á nosa costa e transformalas para ser utilizadas como, por exemplo, fertilizantes. Un proxecto empresarial de economía circular que busca un uso das algas que se retiran da praia.
A terceira das novas empresas que xa está desenvolvendo a súa actividade no Lab Barbanza busca optimizar o marketing off-line a través da utilización creativa de fachadas, baixos e elementos urbanos como soportes publicitarios.
O alcalde de Boiro, José Ramón Romero, deulles a benvida ao espazo e animounos que a aproveiten a oportunidade de poder desenvolver a súa actividade empresarial no centro: “A xeración de emprego é un dos piares fundamentais deste goberno pois consideramos que o crecemento económico dun municipio vén de man das empresas, por iso apostamos pola formación, o emprego e o emprendemento, tres aspectos que se materializan neste centro”.
Estas empresas súmanse a outras que xa viñan desenvolvendo a súa actividade no Lab Barbanza, un espazo coworking que forma parte da Rede de Espazos de Traballo da Deputación da Coruña. As solicitudes para formar parte do espazo están abertas e poden facerse presentando a correspondente solicitude no Rexistro Xeral do Concello de Boiro.
Desbroce de vías e camiños
Por outra banda, o Concello informa que, desde a primeira semana de maio, estanse a realizar de xeito progresivo en todas as parroquias as tarefas de desbroce que se levan a cabo dúas veces ano. Priorízanse os lugares nos que pode existir un perigo por motivos de visibilidade de condutores e peóns, así como a prevención de lumes.
- Antonio Catalán, fundador de AC Hotels by Marriott: 'La auténtica pandemia que tenemos ahora es la del piso turístico
- La mejor estudiante de Santiago en la ABAU: “Eso de que para sacar buenas notas hay que encerrarse para estudiar es mentira”
- El Correo Gallego - Diario de la capital de Galicia
- La mejor mantequilla de España se fabrica en Ames
- Se entera de que es millonario al comprobar su boleto en el punto de venta de Ponteceso donde lo había sellado
- ABAU 2024: consulta aquí las notas de selectividad en Santiago
- La residencia donada por Amancio Ortega en Santiago recibe a su primer usuario este jueves
- Dos jóvenes resultan heridas en sendos atropellos en Santiago