O Sergas vai elaborar un cribado de violencia de xénero en menores e adolescentes
Para a elaboración e posterior aplicación deste procedemento, será fundamental “que os profesionais implicados conten coas ferramentas necesarias”
O vindeiro ano o Sergas vai elaborar "un procedemento de cribado de violencia de xénero en menores e adolescentes”, xa que o que está vixente é para mulleres maiores de 15 anos.
Así o anunciou a secretaria xeral técnica da Consellería de Sanidade, Natalia Lobato Mosquera, na inauguración dunha xornada sobre violencia de xénero, con motivo da conmemoración, o vindeiro 25 deste mes, do Día Internacional da eliminación da violencia contra a muller.
A secretaria sinalou que “para a elaboración do cribado constituíuse un grupo de traballo interdisciplinar, con profesionais de pediatría, psiquiatría e traballo social”, entre outros, e actuando en colaboración do Instituto de Medicina Legal e demais institucións implicadas.
Paralelamente, Sanidade tamén ten previsto desenvolver, “un procedemento fronte á violencia na infancia e adolescencia, que incluirá a atención no caso de agresións sexuais”, explicou Lobato Mosquera.
Para a elaboración e posterior aplicación destes procedementos, será fundamental “que os profesionais implicados conten coas ferramentas necesarias”. Neste senso, a secreatria xeral de sanidade puxo en valor os distintos cursos que o seu departamento leva a cabo.
En concreto, no caso do persoal do Sergas, salientou a formación en igualdade de oportunidades e control da violencia de xénero, que realizaron máis de 2.370 persoas; ou a referida á violencia cara ás mulleres, como detectala e pautas de actuación dende o Sergas, que contou con máis de 2.000 alumnos o pasado ano.
Tamén recordou que a Escola galega de saúde para a cidadanía desenvolveu obradoiros de formación e información dirixidos á poboación sobre a violencia de xénero.
Incremento do orzamento
Durante a inauguración desta xornada, tamén interviu a secretaría xeral de Igualdade, Sandra Vázquez, quen recordou que a Xunta en 2024 incrementará un 14,46% con respecto a este ano o orzamento para combater a violencia de xénero.
En concreto, investiranse 23,5 millóns de euros en total para impulsar a sensibilización colectiva, a formación de profesionais, o asociacionismo ou a corresponsabilidade, e as axudas económicas e servizos de atención e acompañamento.
Tamén fixo fincapé na nova Lei de igualdade que, aprobada esta mesma semana no Parlamento galego, incidirá na erradicación de actitudes machistas e de calquera tipo de discriminación. Ao respecto, promoveranse programas municipais para a creación de espazos urbanos libres de violencia e de acoso sexual.
Así mesmo, incidirase en ámbitos como o da cultura e o do deporte, e reforzarase a igualdade no eido dixital, para combater calquera acción machista por medios tecnolóxicos, entre outras actuacións.
- Muere ahogado en una piscina de un hotel de Castellón un menor gallego de 16 años
- Salen a la venta los abonos para uno de los festivales más singulares y cuidados de Galicia
- La privatización de la sanidad gallega avanza a menor ritmo que el conjunto de España
- Tiempo estable en Galicia que mantiene la influencia anticiclónica... ¿Hasta cuándo?
- “Nos vemos en los bares...”, siempre que no cierren
- Indignación en el sector del taxi por el “abusivo” incremento del precio de las pólizas del seguro
- Cinco nombres gallegos para niña que están triunfando entre los recién nacidos
- Una estadounidense conduciendo por A Illa de Arousa se queja de algo de lo más cotidiano para los gallegos: "¿Cómo lo hacen?