Reunión dos socialistas coa asociación veciñal Fonseca para abordar os novos retos da zona vella

Mobilidade e rehabilitación son as dúas prioridades que marcan os socialistas dentro do ámbito especial da cidade vella de Compostela.

La inestabilidad nacional demora la asamblea para elegir el nuevo líder del PSdeG santiagués

O grupo municipal vén de reunirse coa Asociación de Veciños da Cidade Histórica Fonseca para tratar o seu futuro “con retos tan importantes e prioritarios como a mobilidade”, segundo explicou o seu voceiro en Raxoi, Gonzalo Muíños.

Sobre mobilidade amósanse “preocupados” polo estado da estación de reparto de última milla que facilitará o distribución de mercadorías no casco histórico que, na actualidade, provoca “graves trastornos aos veciños e veciñas da zona, así como a todo que pase polas rúas da cidade vella durante a mañá”.

Muíños explicou que “nada se sabe” desta actuación que conta con fondos europeos. Así mesmo, tamén fixou como prioritario que se resolva a cuestión da nova ordenanza de circulación.

En materia de rehabilitación, Muíños recordou a intención do partido de que do recadado coa taxa turística, unha parte importante se destine a axudas de rehabilitación e accesibilidade: “traballaremos para esixir que isto sexa así”.