Veciños do Castiñeiriño denuncian inundacións nas súas propiedades provocadas polas obras do AVE
A elevación da cota do terreo para poder habilitar unha explanada como depósito materiais e maquinaria está provocando que os regatos que pasan polo lugar non discorran por onde o facían ata agora e acaben encharcando as fincas
Os concelleiros populares, Olaya Otero e José Ramón de la Fuente, recriminan “a falta de resposta e o desinterese” que amosa o Goberno do BNG
El Correo Gallego
Os concelleiros populares, Olaya Otero e José Ramón de la Fuente, visitaron as rúas de Combarro e da Vía, no barrio do Castiñeiriño, onde sinalan que puideron comprobar o estado de abandono no que se atopan os terreos onde se levaron a cabo as obras do AVE.
Os populares afirman que puideron comprobar que o asolagamento da zona provoca o deterioro prematuro e acelerado do firme; multiplica o número de fochancas; e desfai os pasos de peóns, o que supón un perigo para as persoas; ao que hai que engadir o abandono e a falta de limpeza, o que converte os camiños en verdadeiras lameiras, o que tamén dificulta o acceso ás vivendas.
Os veciños reclamaron ao Goberno do BNG que canalizara, adecuadamente, o fluxo de auga constante, co fin de evitar o asolagamento das súas propiedades pero, ata agora, só obtiveron como resposta “silencio e desinterese”.
Os concelleiros do Partido Popular lémbranlle ao Goberno nacionalista que os barrios composteláns tamén son cidade, o mesmo que as parroquias do rural, pero están completamente esquecidos, polo que lles reclaman que esixa a ADIF a reposición inmediata desta zona ao estado anterior das obras.
Tamén lémbranlle ao actual Goberno local que, “se son fans do Goberno amigo de Sánchez, tamén teñen que selo para esixirlle a ADIF que resolva a desfeita que provocou nesta zona de Santiago”.
Antecedentes
Con motivo destas tarefas, creouse un espazo para que a empresa contratista empregara como depósito e instalación de materiais e maquinaria, polo que esta zona converteuse nunha explanada, xa permanente, de servizos de ADIF e que está a provocar inundacións nas propiedades dos veciños.
A elevación da cota do terreo para poder habilitar esa área e a falta dunha eficiente canalización da auga está provocando que os regatos que pasan polo lugar e que proceden, moitos deles, da canalización de augas derivadas da avenida Santiago de Cuba, non discorran por onde o facían ata agora e acaben encharcando as fincas, polo que se crea unha lagoa, converténdoas en solos inertes para o cultivo e improdutivas, como denuncian os veciños; “agora mesmo non serven máis que como estanque para peixes”.
- Cierra un nuevo local en la 'milla de oro' de Santiago y ya se alquila por 3.500 euros al mes
- Denuncian destrozos en el suelo del Obradoiro tras la actuación de la orquesta Panorama
- Relevo en la Gerencia del área sanitaria de Santiago: Sanidade nombra a Ángel Facio Villanueva
- Sin fecha para la residencia de Santiago donada por Amancio Ortega: la Xunta mantiene la previsión de abrirla este mes
- Sigue la polémica por la Panorama: el Concello evaluará los daños en el Obradoiro
- Una multinacional francesa toma el control de tres parkings de Santiago: San Clemente, San Caetano y el Hórreo
- Caamaño asegura que Ángel Facio llega a Santiago para "coger el toro miura que es el CHUS
- Caso Asunta: la carta íntegra con la respuesta de Porto a Basterra desde la cárcel