O PSOE de Santiago insta a arranxar o mal estado do firme nos xardíns Mosquera Pérez
Os socialistas consideran que Raxoi debería acometer estas actuacións de oficio
Denuncian que a zona leva “varios meses nun estado de abandono que vai a máis”
O PSOE levará ao pleno de Santiago o mal estado de mantemento da cidade. Logo de recibir varias queixas da veciñanza da zona, o Grupo Socialista informou onte de que reclamará actuacións urxentes nos xardíns Mosquera Pérez, situados no barrio de Vista Alegre. Leva “varios meses nun estado de abandono que vai a máis”, sinala o voceiro no Concello, Gonzalo Muíños. O edil lamenta tamén que este tipo de reclamacións non terían que chegar ao pleno xa que dende o Goberno municipal deberían acometelas de oficio, sen agardar a que alguén as solicite.
Rosón critica que o Goberno compostelán traballa a golpe de titulares que logo ten que matizar a alcaldesa
O PSOE compostelán instará o executivo local a proceder á recollida de follas no parque, “xa que hai grandes acumulacións que xa se están a converter en barro e supoñen un perigo para os peóns”, explica Gonzalo Muiños, incidindo que “esa masa está a obstruír ademais as arquetas nos días de chuvia”.
Os socialistas piden actuacións de 'rebacheo'
O portavoz dos socialistas pide tamén que se acometan actuacións de ‘rebacheo’ no firme dos xardíns de Mosquera Pérez mentres non se poida levar a cabo o asfaltado completo da rúa que atravesa parte do parque, toda vez que presenta “importantes fochancas” que nas últimas semanas “foron a máis” a causa das fortes chuvias que caeron en Compostela neste período.
Aitor Bouza leva ao Parlamento un paquete de medidas para resolver o colapso nas urxencias do CHUS
“Estamos falando de actuacións do día a día, que non habería tan sequera que levalas ao pleno” explica Muíños, que lle pide ao executivo encabezado por Goretti Sanmartín maior “dilixencia nas cousas do cotián”. “Semella que entre tanto anuncio de grandes revolucións no Concello estase a esquecer das pequenas cousas, e non tan pequenas, nos barrios e nas rúas”, ironiza o portavoz dos socialistas no Pazo de Raxoi.
Temas
Más en Santiago
-
A residencia de estudantes do antigo hospital de Galeras funcionará como hotel durante o verán
-
Fina Calleja: “Una obra de teatro como 'Made in Galiza' ofrece humor tierno a ratos y corrosivo”
-
Horarios de los conciertos del festival O Son do Camiño 2024 con Green Day como estrellas en Santiago
-
Trasladado al hospital tras sufrir un accidente con un patinete en la avenida de Castelao