Un total de 54 proxectos de estudantes de once institutos participan no premio Stephen Hawking
De Compostela, o IES Rosalía de Castro, encargado do certame, envía 20 traballos e o IES Arcebispo Xelmírez, seis
O venres 19 de abril presentaranse as propostas ante o tribunal e entregarase ese día o galardón
A sexta edición do premio Stephen Hawking do IES Plurilingüe Rosalía de Castro acolle un total de 54 proxectos asinados por estudantes procedentes de once institutos. Ao certame, que está aberto a centros galegos de ensino galego e tamén centros estatais implicados no programa de Bacharelato Internacional, concorre este ano alumnado de institutos de sete concellos galegos (Santiago, A Coruña, Lugo, Nigrán, Ourense, Brión e Trives) e dous de fóra de Galicia (Madrid e Soria).
Do total de proxectos, 20 proceden do propio IES Rosalía de Castro e seis do IES Arcebispo Xelmírez. A maiores, o IES Eusebio da Garda (A Coruña) remite outros 10 e o IES Nosa Señora dos Ollos Grandes (Lugo), catro. Do IES Castilla, de Soria, compiten 3, mentres que con 2 fano o IES Ramiro de Maetzu (Madrid) e o IES Blanco Amor (Ourense). Cun traballo compiten o IES de Brión, o IES Lucus Augusti (Lugo) e o IES Xermán Ancochea Quevedo (Trives). No seu conxunto, os traballos –que se podían presentar de forma individual ou en grupo– están asinados por preto de oitenta alumnos.
Este ano, as bases contemplaron que os traballos presentados xirasen ao redor de dous grandes eixos temáticos: a figura e a contribución ao eido da intelixencia artificial de Amparo Alonso Betanzos, científica que preside neste 2024 o xurado e as ideas básicas que suxire o lema do premio ‘Intelixencias’.
Dentro destes parámetros, concorren proxectos vencellados aos campos da Bioloxía e da Xeoloxía, da Física e a Química, das Matemáticas, do ámbito tecnolóxico, das Ciencias Sociais e mesmo traballos de índole artística. Nas bases do premio recomendábase que os proxectos estivesen adaptados en estrutura e en contido aos parámetros dun traballo de investigación que puidese culminar nun artigo susceptible de ser publicado en revistas científicas.
Entrega do galardón o venres19 de abril
O venres 19 de abril celebrarase no IES Rosalía de Castro a xornada de exposición pública e entrega. A actividade comezará ás 9.00 horas coa recepción do alumnado asinante dos 55 traballos participantes que, ao longo da mañá, presentará as súas propostas diante do tribunal, presidido por Amparo Alonso Betanzos e conformado por doce persoas procedentes das esferas académicas da Física, da Química, das Matemáticas, da Bioloxía, da Veterinaria e da Xeoarqueoloxía. Pola tarde, ás 19.00 horas, farase público o fallo do tribunal e entregarase o galardón nun acto aberto que se celebrará no auditorio do instituto.
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Una mirada al pasado de Santiago en color: así era la Compostela de principios del siglo XX
- El informe municipal sobre la actuación de la Panorama en el Obradoiro es negativo: ¿Habrá cambio de escenario?
- Inauguran la sede que albergará las dependencias de Tráfico mientras se reforma el cuartel de Santiago
- Cuatro aviones Eurofighter sobrevuelan Santiago y realizan maniobras en el Aeródromo Militar de Lavacolla