INTERCAMBIO
Estudantes de Cee e a Bretaña francesa comparten experiencias
No mes de maio o alumnado do IES Agra de Raíces viaxará ao país veciño
Recepción aos estudantes franceses no concello de Cee / IES Agra de Raíces
J. M. Ramos
Un grupo de vinte e dous estudantes e dúas profesoras do Lycée Saint-Sauveur de Redón, da Bretaña francesa, participan ata o venres dun intercambio cultural co alumnado do IES Agra de Raíces, de Cee.
Este é xa o quinto ano que ambos centros educativos comparten experiencias e vivencias. En maio, do 21 ao 28, viaxarán a Francia os estudantes ceenses, segundo informa o vicedirector, Fernando Casanova.
A fin de semana pasárona coas familias de acollida e visitaron Fisterra, Muxía, Carnota, O Ézaro, Cee e Corcubión, e o luns achegáronse ao IES Agra de Raíces, onde percorreron os laboratorios, as aulas do ciclo de CAE e as instalacións deportivas, ademais de compartir un chocolate con churros cos alumnos ceenses. Pola tarde, foron recibidos pola alcaldesa, Margarita Lamela.
Este martes visitaron Lugo, hoxe coñecerán Santiago e mañá desprazaranse á cidade da Coruña, antes de emprender a viaxe de volta á Bretaña francesa o vindeiro venres.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- A Estrada pon en valor os produtos agroalimentarios locais na segunda feira multisectorial de San Xorxe
- El 'hotel rosa' de Vedra, entre los diez mejores alojamientos de España para la Guía Michelín
- Maio Vintage: Boiro revive os anos oitenta cun mercado retro
- Incautan 244 quilogramos de peixe que excedían o cupo diario dunha embarcación de Porto do Son
- Melide e Padrón rexeitan unha planta de Greenfiber que afecta aos seus recursos
- La Inspección auditará el IES do Milladoiro para atajar la conflictividad
