Xosé Vizoso colabora con Art for Dent coa realización do cartel para o seu terceiro festival solidario
A cita terá lugar o 17 de xuño na Carballeira de Santa Minia en Brión.
Redacción
Un ano máis, a asociación galega da enfermidade de Dent está organizando a Terceira edición do seu FEST FOR DENT, o Festival solidario de Brión para recaudar fondos para a investigación desta doenza minoritaria.
Nesta ocasión, contan cunha colaboración artística moi especial e coa que están moi agradecidos, o deseño do cartel ven da man do artista, ilustrador e ceramista Xosé Vizoso, vinculado a Sargadelos e Isaac Díaz Pardo durante moitos anos, e recente autor do cartel do centenario do R.C. Celta de Vigo entre moitos outros.
Unha preciosa colaboración coa que a asociación está moi agradecida e queren amosar o seu agradecemento público co artista, que desde o primeiro momento se amosou moi cercano e interesado en colaborar coa causa.
O festival comezará ás 17 horas do vindeiro 17 de xuño na Carballeira de Santa Minia en Brión, e contará con actuacións e actividades ata pasada a medianoite. A da Banda da Balbina, Diego Castro, Ana Fernández, Blue Riband, Asociación folclórica de Brión e a banda de música, serán algunhas das actuacións musicais. Tamén actuarán os Quinquilláns e contarán coa presenza da Asociación Galega do Xogo Popular e Tradicional. Moitas sorpresas máis que se irán anunciando nas súas redes sociais, sorteos, novas colaboracións...
O importe recaudado irá destinado ó 100% para a investigación da enfermidade de Dent no NefroChus.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Padrón celebra o seu San Xoán de Raio coa comida de confraternidade
- A Estrada pon en valor os produtos agroalimentarios locais na segunda feira multisectorial de San Xorxe
- Incautan 244 quilogramos de peixe que excedían o cupo diario dunha embarcación de Porto do Son
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- Melide e Padrón rexeitan unha planta de Greenfiber que afecta aos seus recursos
- La Inspección auditará el IES do Milladoiro para atajar la conflictividad