Elevada afluencia de público ás dez presentacións literarias amesás dos últimos sete meses
O alcalde Blas García puxo á capital maiá como exemplo de “referente e refuxio cultural”
Acudiron escritores como Nazaret López, Carlos Negro, Margarita Murillo ou Marga Cancela
Nazaret López, á esquerda, co rexedor amesán Blas García / N.L.
O departamento de Bibliotecas Municipais de Ames, co alcalde Blas García á fronte, impulsou por terceiro ano consecutivo as presentacións de libros enmarcadas no programa Encontros Literarios para dar a coñecer a novos autores e difundir a obra dos consolidados. Foron, en total, dez posta de longo.
No primeiro encontro literario da tempada 2023-2024, o protagonismo foi para a escritora e xornalista amesá, Nazaret López, que presentou a súa segunda obra Pecados veniais, editada por Xerais. A segunda foi a de Patria de Maeloc, editada por Toxos e Soutos, de Luciano de Monfadal. En decembro, quenda para Carlos Negro, veciño de Ames e profesor no IES de Ames, que presentou O tempo dos lagartos. Xa no mes de febreiro, a protagonista foi Ana Valín, con La muerte de Alicia.
No mes de marzo
No mes de marzo tiveron lugar dúas presentacións: a obra A conto do político, do escritor e político Alfredo Conde; e o manual El libro que tu perro quiere que leas, de Patricia Guerrero, mentres que o sexto encontro literario tivo como protagonista ao médico, político e escritor Tuco Cerviño, que presentou a súa primeira obra Un taxi verde e un concerto, editada por Galaxia. Unha semana despois foi a ocasión da veciña e empresaria do Milladoiro Margarita Murillo, que trouxo a súa obra Protocolo e Imagen: Relevancia protocolaria de la imagen. E xa neste mes de maio tiveron lugar os dous últimos encontros da tempada. A primeira foi a narradora e poeta amesá Mariña Pérez Rei, que presentou a súa última obra Finximentos, editada por Xerais. A encargada de pechar este terceira edición foi a profesora Marga Cancela, co seu libro O clamor das Virxes, cuxa editción veu da man de Medulia Editorial.
Blas García destacou a “gran afluencia durante toda a edición e a cantidade de autores de Ames que pasaron por este Pazo a presentar o seu libro é un gran indicador do talento e do nivel cultural existente no concello”. O rexedor non deixou pasar a ocasión de poñer a Ames de exemplo como “referente e refuxio cultural”, remataba.
- La mejor estudiante de Santiago en la ABAU: “Eso de que para sacar buenas notas hay que encerrarse para estudiar es mentira”
- El Correo Gallego - Diario de la capital de Galicia
- Se entera de que es millonario al comprobar su boleto en el punto de venta de Ponteceso donde lo había sellado
- Así es el impresionante ático dúplex en venta en Santiago de Compostela, con espectaculares terrazas y el piso más barato del casco histórico
- Antonio Catalán, fundador de AC Hotels by Marriott: 'La auténtica pandemia que tenemos ahora es la del piso turístico
- El ministro Puentes confirma que el tramo Palas-Melide de la autovía abrirá este año, pero el de Arzúa está aún al 50%
- “Nunca he estado en una ciudad como Santiago, por eso creo que estoy muerto y me lo he inventado todo”
- Atardecer no Gaiás 2024: estos son los conciertos para gozar de las puestas de sol del verano en Compostela
