A xestora do PSdeG en Santiago convoca o proceso para elixir a nova executiva local
A asemblea para a elección da nova dirección do partido na cidade de Compostela terá lugar o sábado, 21 de outubro
Redacción ECG
A comisión xestora do PSdeG-PSOE de Santiago de Compostela, presidida por Diego Fernández López, decidiu na tarde deste xoves convocar o proceso para a elección da nova dirección local do partido na cidade. O prazo para a presentación de propostas da nova executiva local estará aberto desde este xoves, 5 de outubro, ata o vindeiro mércores 11 de outubro ás 14.00 horas.
A comisión executiva municipal comporase, como mínimo, de Secretaría Xeral, Secretaría de Organización e Secretaría de Política Municipal. Deberá contar con áreas de Acción Electoral, Administración e Formación, que poderán constituírse en secretarías de área independentes ou integrarse na secretaría de Organización. Tamén se recomenda a inclusión dunha secretaría de Igualdade.
A asemblea para a elección da nova comisión executiva local do PSdeG-PSOE terá lugar o sábado, 21 de outubro.
Segundo o establecido nos estatutos federais do PSOE e no seu regulamento de desenvolvemento, as comisións executivas municipais serán elixidas por medio do sistema de voto maioritario, mediante voto individual directo e secreto da militancia, en listas pechadas, bloqueadas e paritarias.
Diego Fernández afirmou que, 112 días despois da constitución da xestora, esta da por concluído o seu labor durante esta etapa de transición e decidiu “dar voz á militancia para elixir democraticamente unha nova dirección do partido e iniciar unha nova etapa de futuro do Partido Socialista en Santiago de Compostela”.
- La tienda temática de Harry Potter más grande de España abre sus puertas en Santiago
- Estrella Galicia lanza la canción del verano: así suena el tema compuesto por un popular artista compostelano
- La heredera de Rosario Porto logra vender el chalé de Teo donde fue asesinada Asunta
- La Urbana llega a Santiago: el nuevo local de hamburguesas abrirá esta semana en Cancelas
- El jefe de la Policía Nacional de Santiago cesa de su cargo y se va a la Comisaría de La Rioja
- La residencia de estudiantes del viejo hospital de Galeras costará unos 900 euros al mes
- La heredera de Rosario Porto cerró la venta del chalé de Teo en 150.000 euros
- Solo 15 edificios de más de 50 años han pasado la ‘ITV’ obligatoria en Santiago con el plazo a punto de vencer