A Real Sociedade Española de Química recoñece o investigador do CiQUS da USC Diego Peña
Vén de recibir o Premio á Excelencia Investigadora pola súa traxectoria científica e capacidade de liderado
Redacción
O profesor da USC Diego Peña Gil, pertencente ao Centro Singular de Investigación en Química Biolóxica e Materiais Moleculares da USC (CiQUS), acaba de ser distinguido pola Real Sociedade Española de Química (RSEQ) co Premio á Excelencia Investigadora que recoñece a súa traxectoria científica e capacidade de liderado. Peña Gil recolleu o galardón nun acto que se desenvolveu no Paraninfo da Universidade de Sevilla.
Este novo recoñecemento a Diego Peña súmase á Medalla Ignacio Ribas que lle foi concedida en 2018 polo grupo especializado de Química Orgánica da RSEQ. No ano 2020, o investigador recibiu o respaldo do Consello Europeo de Investigación (ERC) a través dunha axuda ERC Synergy Grant xunto a Leo Gross (IBM Research Zúric) e Jascha Repp (Universität Regensburg) para levar a cabo un ambicioso proxecto centrado na manipulación de moléculas individuais (ERC-SyG MolDAM). Na actualidade, o seu grupo continúa avanzando no desenvolvemento de novas metodoloxías sintéticas, a química sobre superficie, a síntese de compostos policíclicos aromáticos, ou a preparación de grafenos nanométricos. O premio está patrocinado pola empresa química BASF.
Xunto a el, outros tres investigadores recibiron Premios á Excelencia Investigadora da RSEQ. Trátase de Ana Albéniz (Universidade de Valladolid), Igor Larrosa (Universidade de Manchester) e Marisol Martín González (CSIC). Durante a cerimonia entregáronse os premios e distincións RSEQ nas súas distintas modalidades e tamén houbo lugar para o recoñecemento aos socios con 45 anos de servizo.
- La tienda temática de Harry Potter más grande de España abre sus puertas en Santiago
- Estrella Galicia lanza la canción del verano: así suena el tema compuesto por un popular artista compostelano
- El jefe de la Policía Nacional de Santiago cesa de su cargo y se va a la Comisaría de La Rioja
- La residencia de estudiantes del viejo hospital de Galeras costará unos 900 euros al mes
- La heredera de Rosario Porto cerró la venta del chalé de Teo en 150.000 euros
- A residencia de estudantes do antigo hospital de Galeras funcionará como hotel durante o verán
- La odisea de alquilar un piso para dormir durante O Son do Camiño: "Es imposible encontrar algo por menos de 1.200 euros
- La primera jornada de huelga de los trabajadores de Iberia en Lavacolla cancela al menos 14 vuelos