Os socialistas denuncian os retrasos na nova ordenanza de regulación das VUT
Redacción
O grupo socialista vén de denunciar retrasos na nova ordenanza que debe regular as Vivendas de Uso Turístico (VUT) logo de que, no pasado mandato, se modificase o Plan Xeral para poñer coto á proliferación deste tipo de aloxamentos turísticos.
Critican, logo dunha reunión coa Plataforma para a Regulación de Vivendas Turísticas (Previturga), que a alcaldesa “siga sen definir a súa postura” nesta cuestión.
Mercedes Rosón fala de “desconfianza” no sector sobre os plans de Goretti Sanmartín coas vivendas de uso turístico. A edil socialista critica que “mentres clama por un turismo sostible e respectuoso coa veciñanza” e “fala do problema de acceso á vivenda”, a alcaldesa “xoga coa ambigüidade e segue sen posicionarse claramente ao respecto das vivendas de uso turístico”.
Para a que fora responsable de urbanismo no goberno socialista, a regulación das VUT trátase dunha cuestión “clave” para abordar ambos retos. Rosón asegura que Sanmartín contaba xa “cun borrador enriba da mesa cando chegou”, xa que o deixaran preparado do anterior mandato e “polo tanto, é momento de que dea explicacións e pedirémosllas no próximo pleno para que aclare a que se debe este retraso na nova ordenanza”.
Rosón asegura “temer” que esta dilación nos prazos –xa que a alcaldesa asegurara que a finais do mes de outubro estaría un primeiro borrador–, débese a que Sanmartín “prometeu máis do que podía cumprir durante a campaña electoral”.
- Cierra un nuevo local en la 'milla de oro' de Santiago y ya se alquila por 3.500 euros al mes
- Relevo en la Gerencia del área sanitaria de Santiago: Sanidade nombra a Ángel Facio Villanueva
- Sin fecha para la residencia de Santiago donada por Amancio Ortega: la Xunta mantiene la previsión de abrirla este mes
- Sigue la polémica por la Panorama: el Concello evaluará los daños en el Obradoiro
- Caamaño asegura que Ángel Facio llega a Santiago para "coger el toro miura que es el CHUS
- Caso Asunta: la carta íntegra con la respuesta de Porto a Basterra desde la cárcel
- La USC homenajea al profesor de Matemáticas Celso Rodríguez Fernández en el Colegio de Fonseca
- Raxoi otorga la licencia para ampliar la gasolinera más barata de Santiago