Prazo de solicitude para as hortas urbanas da Almáciga e Fontiñas

Dende hoxe mesmo e até o 7 de decembro, xa se poden presentar as solicitudes de autorización para o uso das hortas municipais dos parques da Almáciga e de Cotaredo, no barrio de Fontiñas. Así o aprobou o pasado luns a Xunta de Goberno, logo de confirmar a caducidade dos permisos outorgados en 2008. Dende o Concello tamén se fixo o anuncio de que “nas vindeiras semanas abriranse novas convocatorias de hortas municipais noutros espazos verdes da cidade”.

A convocatoria está aberta a toda a veciñanza de Santiago pero terán preferencia aquelas persoas con domicilio nun radio de 500 metros cadrados dende a horta de referencia; así coma as persoas maiores de 65 anos. O Concello informa de que “no caso de que o número de solicitantes supere o de hortas, as concesións adxudicaranse por sorteo”.