Pagar os impostos con Bizum: a proposta do PP de Santiago para modernizar a Administración
José Antonio Constenla acusa o Goberno bipartito de "escurantismo" en canto ao informe de mobilidade do CHUS
O edil 'popular' afirma que o modelo turístico do executivo de Sanmartín "non existe"
O Partido Popular de Compostela levará ao Pleno do luns 29 unha iniciativa para que se incorpore a plataforma Bizum ao pagamento de tributos municipais. A pretensión do PP é a de "modernizar a Administración local". Sobre este asunto o edil José Antonio Constenla afirmaba este mércores en rolda de prensa no Pazo ded Raxoi que os constantes anuncios do Goberno local "son irreais" e considera que están cheos de "atascos, ineficacia e ineficiencia".
Neste sentido o edil ‘popular’ asegurou que “basta con achegarse a calquera dos servizos municipais” para ser coñecedor de que “as licenzas tardan meses en concederse, cando non anos ou que cando hai que pagar unha multa, pouco menos e hai que cubrir unha instancia”.
A proposta do PP busca contribuír a unha "administración próxima e áxil que evite desprazamentos inutis". "Bizum é un bo modo de afrontar pagos de pequena contía, seguro e sen comisións", afirma o edil do PP que pon exemplos de concellos que xa aplican esta medida como Burgos, Toledo ou Zaragoza así coma nalgunhas deputacións e que tamén están a estudar a implantación deste método de pagamento cidades coma Madrid ou Barcelona.
“A iniciativa pódese pensar que é pequena pero é unha demostración clara do que o PP quere para a cidade: unha administración próxima, moderna e áxil”. Desta maneira o edil do Grupo popular tamén se refería ao programa electoral da formación asegurando que concorreron ás eleccións cunha proposta “seria, rigorosa e transformadora que establecía un rumbo claro para a cidade”. Constenla asegurou que o programa é a imaxe de marca do PP e que tiña un obxectivo claro “mellorar a vida de todos os veciños”.
Informe de mobilidade do CHUS
Sobre o informe co que o Goberno local acudirá o próximo martes á reunión coa Xunta para resolver o problema de mobilidade do CHUS, Constela acusa unha vez máis á alcaldesa de "escurantismo" e de que "non mira á oposición". O PP tacha a Goretti Sanmartín de "soberbia política" e asegura que é o Concello quen "debe liderar a solución do Clínico" e afirma que a Xunta e mesmo a Deputación "poden colaborar".
A formación conservadora si se amosa favorable ao anuncio de implantar a zona ORA na contorna do hospital, "está ben que faga uso das súas potestades" e que non sexa "unha administración parasitaria que vive do que hai e non se atreve a mellorar".
Un modelo turístico inexistente
Preguntado pola presenza do Goberno local na Feira Internacional de Turismo Fitur, José Antonio Constenla asegurou que se trata "dunha campaña" pero recalcou que o modelo turístico do Executivo municipal "é inexistente" e instou a que se leve a cabo "un traballo conxunto coa oposición para coidar o patrimonio e conseguir a presenza de turismo internacional que Santiago merece".
- La tienda temática de Harry Potter más grande de España abre sus puertas en Santiago
- La Urbana llega a Santiago: el nuevo local de hamburguesas abrirá esta semana en Cancelas
- La heredera de Rosario Porto logra vender el chalé de Teo donde fue asesinada Asunta
- Vuelven los conciertos a la azotea de este hotel de Santiago: gastronomía y música para iniciar la cuenta atrás del verano
- El jefe de la Policía Nacional de Santiago cesa de su cargo y se va a la Comisaría de La Rioja
- Los Reyes que yacen enterrados en la Catedral de Santiago: visitas guiadas al Panteón Real
- La odisea de alquilar un piso para dormir durante O Son do Camiño: "Es imposible encontrar algo por menos de 1.200 euros
- Raxoi otorga la licencia para ampliar la gasolinera más barata de Santiago