Mesa redonda no Ateneo sobre o modelo turístico: “Queremos ter dereito a vivir na nosa cidade e facelo con tranquilidade”

O Ateneo de Santiago organizou onte, dentro do seu ciclo dos Luns do Ateneo, unha mesa redonda arredor do modelo turístico da cidade, titulada "Repensar o turismo en Santiago". O acto contou coa participación dos expertos en Turismo Xosé Santos Solla, catedrático de Xeografía Humana da USC, e Francisco Candela, economista.

La sociedad civil de Santiago coincide con Raxoi en la necesidad de medidas para evitar la masificación turística

“Os problemas que ten Santiago non son distintos dos doutras ciudades, como grandes cidades europeas. Todas estas cidades tampouco foron capaces de solucionar estes problemas. É difícil, polo tanto, decidir cal é o mellor modelo turístico para a cidade de Santiago. Todos queremos viaxar e todos queremos ter dereito a visitar lugares, pero tamén queremos ter dereito a vivir na nosa cidade e facelo con tranquilidade”, afirmou Santos Solla.

Pola súa banda, Candela afondou sobre as cifras económicas que xiran arredor do turismo en Compostela e asegurou que o sector turístico supón unha parte pequena do PIB. “Unha cidade que non está ao servizo dos seus cidadáns non estará ao servizo dos seus visitantes”, sinalou.