O PP reclama o comprometido paso de peóns na rúa das Rodas para a Galiña Azul e o colexio La Salle
Adrián Villa lamentou que non se cumpra esta promesa de antes do verán
O edil suliña que este "paso que se emprega diariamente por cativos é un grave perigo"
Redacción
O concelleiro do Partido Popular de Santiago, Adrián Villa, por petición da ANPA do Colexio La Salle e da Escola Infantil Galiña Azul de San Roque, recolleu unha histórica demanda que segue sen solución por parte do goberno, o paso de peóns na rúa das Rodas.
A diario, máis dun cento de cativos empregan de forma natural un paso que está sen sinalización. Este atópase na confluencia entre a rúa Algalia de Abaixo e a Escola Galiña Azul que, á súa vez, dá acceso ao parque das Ciencias e á porta de entrada de La Salle. Desde hai máis de 15 anos, coincidindo coa apertura da gardería, o PP sinala que foron múltiples as solicitudes realizadas, obtendo o compromiso verbal, pero sen ver feito realidade este paso de peóns.
O edil quixo manifestar que “o paso que se emprega diariamente por cativos é un grave perigo e, de non dar resposta pronto, algún día imos lamentar unha desgraza”. Así, Adrián Villa defendeu este cruce posto que esta gardería dá servizo ao casco histórico e carece de sentido ter que ir a cruzar ou á Porta do Camiño ou a San Roque e realizar un percorrido absurdo.
Neste senso o popular tamén lamentou que fosen numerosos os compromisos realizados por parte do goberno coas ANPAS, o último antes do verán do presente curso, e que, unha vez máis, chegado setembro, visen que foron enganados e que non se levou a cabo ningún tipo de actuación. A este respecto Villa salientou que defenderá que se estude a mellor forma de implantar este paso, ben sexa cun simple paso de peóns, ou ben sexa cun semáforo para velar pola seguridade dos cativos que, a diario, empregan este cruce para chegar aos seus respectivos centros escolares.
- Oportunidad inmobiliaria a 15 minutos de Santiago: dúplex de tres habitaciones por solo 110.000 euros
- Tristura no mercado de abastos santiagués polo pasamento de Lolo Fernández
- Esta es la catedral más excepcional de España según National Geographic y no, no es la de Santiago
- Vecinos de Conxo acuden a la Fiscalía para frenar la senda entre San Caetano y Milladoiro
- Cómo llegar al Banquete de Conxo: estos son los cortes de tráfico, autobuses, aparcamientos y principales accesos
- Starbucks elige el centro comercial As Cancelas para abrir su primera cafetería en Santiago
- Vecinos del chalet de Teo viven atemorizados desde el estreno en Netflix de la serie 'El caso Asunta
- Hallan una ventana en la Catedral de Santiago que revela detalles “nunca vistos desde el siglo XVII”