Malpica denuncia un acto vandálico que danou un dos rótulos de Nadal nunha rotonda
A Policía Local abriu unha investigación para identificar aos autores
O Concello fai un chamamento á colaboración cidadá
J. M. Ramos
Os vándalos non respectan nin o Nadal. O Concello de Malpica de Bergantiños vén de denunciar un acto vandálico que causou danos significativos nun rótulo navideño situado na rotonda da estrada AC-418.
O tenente de alcalde de Malpica e concelleiro de Servizos e Turismo, Alfredo Cañizo, puxo os feitos en coñecemento da Policía Local, que xa iniciou as investigacións necesarias para tentar de identificar á persoa ou persoas responsables. Lamenta o sucedido e cualifícao de “incívico e lamentable”. “É fundamental que todos coidemos do noso municipio e respectemos os bens públicos”, sinalou.
Dende o Concello de Malpica fan tamén un chamamento á colaboración cidadá para que, se alguén ten información sobre os responsables deste acto vandálico, a poña en coñecemento da Policía Local, “pois este é un problema que afecta a todos”, subliña ao respecto Alfredo Cañizo.
Desgraciadamente, o sucedido en Malpica non é un feito illado, pois en días pasados tamén sufriron cuantiosos danos en Noia pola acción dun vándalo que destrozou varios dos elementos decorativos do Nadal. En anos pasados, o Concello de Carballo tamén denunciou a destrución e roubo de decorado navideño en diversos puntos.
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Recuperada a Ribeiriña da Pobra como espazo de desfrute veciñal
- Padrón celebra o seu San Xoán de Raio coa comida de confraternidade
- Reúnen cien toneladas de tapones en cuatro años para luchar contra el Dent y fabricar papeleras respetuosas con el medio
- El 'hotel rosa' de Vedra, entre los diez mejores alojamientos de España para la Guía Michelín
- Maio Vintage: Boiro revive os anos oitenta cun mercado retro
- Incautan 244 quilogramos de peixe que excedían o cupo diario dunha embarcación de Porto do Son
- La Inspección auditará el IES do Milladoiro para atajar la conflictividad