Simposio tributo para o catedrático negreirés Pensado, autoridade mundial no Pai Sarmiento
Celebrarase entre a capital de Galicia e Negreira o vindeiro día 15 co pulo do Centro Ramón Piñeiro e o Concello
Disertarán dende Henrique Monteagudo a Alonso Montero ou Amancio Liñares, e inclúe a descuberta dunha placa
O Centro Ramón Piñeiro para a Investigación en Humanidades e mailo Concello de Negreira homenaxearán a Xosé Luís Pensado Tomé –Negreira, 6-2-1924, Salamanca, 15-12-2000 – cun simposio de conferencias dedicado á vida e obra deste catedrático de Filoloxía Románica e de Filoloxía Galaico-Portuguesa nas Universidades de Oviedo e de Salamanca, autoridade mundial ademais na figura do crego erudito Pai Sarmiento.
As xornadas arrincarán o día 15 ás 10.00 horas coa charla A contribución de Xosé Luís Pensado ao coñecemento do Padre Sarmiento, por Henrique Monteagudo, para seguir ás 11.00 con Unha visión de Pensado na Universidade de Salamanca, a cargo de Alexandre Guerra. Ás 12.15 h., Ramón Lorenzo disertará sobre X. L. Pensado e as súas ideas sobre a gueada, e ás 13.00 horas, turno para as verbas A obra de Xosé Luís Pensado Tomé (1924-2000), na constitución da lingüística galega moderna: datos, reflexións e lembranzas, de Xesús Alonso Montero. Xa ás 17.45 horas, no auditorio da casa da cultura de Negreira, Amancio Liñares titulará a súa charla No centenario do nacemento de Xosé Luís Pensado Tomé, para seguir coa de Xosé Luis Axeitos D. Xosé Luís Pensado Tomé: Galicia desde Salamanca e rematar coa descuberta dunha placa na rúa do Carme (20.00 h.).
- Localizan en el río Santa Lucía el cuerpo de vida de un vecino de Teo que desapareció el viernes
- Incautan 114 kilos de navaja y longueirón en O Freixo y Porto do Son
- Muxía recibe el premio a localidad más acogedora de España
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ames reconfigura as subvencións, despide a Santomil e axudará tamén a inscribir galiñeiros
- Padrón celebra o seu San Xoán de Raio coa comida de confraternidade
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín