OBRAS
O Concello do Son entregará a finais do verán a parcela para construír o colexio de Portosín
A Xunta investiu máis dun millóns de euros no municipio no ano 2023
Está proxectada a renovación da cuberta do instituto sonense
J. M. Ramos
A delegada da Xunta, Belén do Campo, visitou o Concello de Porto do Son para reunirse co seu alcalde, Luis Oujo, e repasar os proxectos que ten en marcha a Administración autonómica neste municipio.
Do Campo lembrou que, no 2023, a Xunta investiu máis dun millón de euros en Porto do Son a través das distintas liñas de axudas e realizou obras como as melloras do CEIP Santa Irene e do novo comedor do CEIP de Portosín, a renovación das carpinterías da casa do concello ou a posta en valor do lavadoiro na praia de Gafa e camiños de accesos, así como a construción dun muro nun noiro.
Entre os proxectos previstos figuran a substitución da cuberta do IES de Porto do Son e a creación dunha pasarela de acceso ao polideportivo. Belén do Campo destacou que esta obra supón un investimento de máis de 435.000 euros.
Avaliaron tamén o proxecto do novo CEIP de Portosín. O alcalde comprometeuse a entregar os terreos a finais do verán e a delegada trasladoulle o compromiso da Xunta de axilizar ao máximo os trámites para contar con este novo colexio o antes posible. Todas estas actuacións enmárcanse no Plan de Arquitectura Pedagóxica de Galicia para renovar as instalacións educativas.
- La mejor estudiante de Santiago en la ABAU: “Eso de que para sacar buenas notas hay que encerrarse para estudiar es mentira”
- El Correo Gallego - Diario de la capital de Galicia
- Se entera de que es millonario al comprobar su boleto en el punto de venta de Ponteceso donde lo había sellado
- Antonio Catalán, fundador de AC Hotels by Marriott: 'La auténtica pandemia que tenemos ahora es la del piso turístico
- Atardecer no Gaiás 2024: estos son los conciertos para gozar de las puestas de sol del verano en Compostela
- ¿Ganas de un pulpo á feira? Dónde comer este delicioso manjar en Santiago
- La promoción 68-74 de Medicina vuelve a las aulas en sus bodas de oro
- El ministro Puentes confirma que el tramo Palas-Melide de la autovía abrirá este año, pero el de Arzúa está aún al 50%