O PP tacha de “inaceptables e antisociais” as novas condicións do transporte urbano dadas a coñecer por Bugallo

O Partido Popular considera “inaceptables, abusivas e antisociais” as condicións do novo contrato de transporte público que deu a coñecer o Goberno socialista. Para o voceiro Popular, José Antonio Constenla, o Grupo de Goberno “tivo catro anos para sacar a diante un dos contratos máis importantes para a cidade”, pero decidiron “esperar a que tan só quede pouco máis dun mes para as eleccións municipais para revelar algunha das características da nova licitación”.

El precio del billete del bus urbano podría subir a 1,58 euros con el nuevo contrato de transporte

O voceiro popular considera que “non é de recibo que despois de estar todo o mandato de brazos cruzados, agora o Goberno socialista se saque da chistera un contrato que regulará este servizo para os vindeiros 13 anos e que suporá que cada usuario teña que pagar case dous euros por un billete, o que é unha barbaridade; e todo iso sen ter consultado con ninguén para confirmar a necesidade de frecuencias, tipo de vehículos ou horarios, entre outras cousas”.

Co novo contrato, “os usuarios presumiblemente pasarán a pagar máis do 70% nun só billete de autobús xa que, neste momento, unha viaxe sae nun euro e, co novo contrato, custará 1,58, sen IVE, e os pensionistas que pasen dos 100 viaxes terán que aboar 50 céntimos por traslado, cando, ata o de agora, podían viaxar sen custe algún”, remarcou.

José Antonio Constenla agrega que a subida de prezos afectará tamén aos bonos, tanto ao ordinario como ao escolar, así mesmo manifestou o seu temor “a que estas subas sexan maiores, xa que, aínda que o Concello abona unha parte do servizo, todo apunta que non o seguirá a facer do mesmo xeito, no caso de que das urnas o vindeiro 28 de maio saia un Goberno distinto ao que poda ofrecer o Partido Popular, con Borja Verea ao mando”.

Santiago destaca por la recogida selectiva de residuos pero suspende por las deficiencias del transporte público

Así mesmo, Constenla Ramos advertiu que os abusos das condicións deste novo contrato non quedan aquí xa que o autobús que viaxa ao aeroporto Rosalía de Castro pasará a custar dun euro a 6 euros/viaxe de ida e 10, ida e volta, “sen que o Goberno socialista, co seu característico escurantismo, explique se esa subida afectará a todos os viaxeiros o só aos usuarios que empreguen a instalación aeroportuaria”.

O popular denunciou a actitude “infantiloide e trasnoitada” do actual alcalde socialista que, “agochado en catro anos de inmobilismo, agora fai declaracións que buscan culpar á oposición do seu desgoberno e apatía, pero que segue co seu modo de gobernar protagonizado por facer as cousas tarde e mal, ademais de por ocultar información ao resto dos grupos da corporación”.

Finalmente, o voceiro Popular destacou que, aínda que o Goberno socialista acabe de dar os pasos para avanzar neste importante contrato, cabe destacar que os autobuses non están dispoñibles ata dentro de máis de dous anos.