Cineuropa 2023: cando e onde comprar entradas e bonos para o festival de cinema

A cita cinéfila por excelencia de Santiago, Cineuropa, arrinca unha nova edición coa comedia como principal eixe temático.

Cineuropa 37 reivindica o papel subversivo da comedia nesta nova edición

Será o filme arxentino Puan, dirixido por Benjamín Naishat e María Alché, gañador da Cuncha de Prata ao mellor guión no festival de San Sebastián, o encargado de abrir a 37º edición do festival, o vindeiro venres 9 no Teatro Principal da capital galega.

Entradas e bonos Cineuropa 2023

As entradas e bonos para Cineuropa 2023 estarán dispoñibles a partir deste martes 7 de novembro.

O prezo é de 4 euros para todas as Seccións Oficiais (Novas/os Cineastas, Sección Oficial Europea, Panorama Internacional e Docs Cineuropa), Fantastique Compostela, Cineuropa Miúda e para a Película sorpresa.

Cómpre recordar que hai eventos de entrada de balde previa retirada de convite, que son os seguintes:

• O mundo está tolo, tolo, tolo, tolo
• Centenario Semprún
• Arxentina e 40 anos de democracia
• A 50 anos do golpe de estado en Chile: La flaca Alejandra, Calle Santa Fe
• Foco João Canijo: Trabalho de actriz, trabalho de actor, Sangue do meu sangue, Fátima
• Panorama Audiovisual Galego
• Proxeccións das entregas de Premios Cineuropa
• Proxeccións das cerimonias de inauguración e clausura

Con respecto as cerimonias de inauguración e de clausura e a entrega dos Premios Cineuropa, os convites poderán retirarse dous días antes do evento ás 11:00 horas.

Así mesmo, Panorama Audiovisual Galego, Nothing Compares e as proxeccións das cerimonias de inauguración e de clausura, que son de balde.

Outros prezos importantes

• Bono 10 películas: 30 euros
• Catálogo: 2 euros
• Maratón Cineuropa: 6 euros

Prezos Actividades Paralelas

• Xuventude Crea. Fase Final do certame de videocreación e entrega de premios (sábado 11). Entrada de balde previa retirada de convite
• Concerto Real Filharmonía de Galicia (xoves 16): 15 euros (cos descontos habituais do 50%).
• Centenario Semprún: mesa de debate (sábado 18). Entrada de balde previa retirada de convite
• Concerto da Banda Municipal de Música de Santiago (domingo 19): Entrada de balde previa retirada de convite
• Doxandéem, les chasseurs de rêves (luns 20). Entrada de balde previa retirada de convite
• Obradoiro sobre o cinematográfico con Carlos Losilla (xoves 16). Inscrición mediante formulario
• Do guión á pantalla. Encontro con Álvaro Brechner (luns 20). Inscrición mediante formulario
• Obradorio de curadoría fímica. Con Valentina Ortomin (xoves 23). Inscrición mediante formulario

Onde comprar as entradas

A venta de entradas e retirada de convites para a proxección de todas as salas pode comprarse a través da web compostelacultura.gal, na ZONA C Punto de Información Cultual e no Teatro Principal.

Na ZONA C as entradas poden comprarse de martes a sábado, de 11.00 a 14.00 horas e de 16.00 a 19.00 horas.

Pola súa banda, no Teatro Principal poden comprarse de 16.00 ata a hora de inicio do último filme.

Tamén poden comprarse en cada sala para as proxeccións dese espazo:

• NUMAX: de luns a sábado de 10.30 a 14.00 horas e de 16.00 a 20.30 horas e os martes só de 16.00 a 20.30 horas. Os domingos abriríase o despacho de billetes 10 minutos antes do inicio da sesión.
• Multicines Compostela: de 17.00 ata a hora de inicio do último filme.
• Auditorio de Galicia: dende media hora antes do inicio de cada sesión.

Dende a organización de Cineuropa pregan o uso preferente da páxina web para a adquisición de bonos e de entradas.

Programación Cineuropa 37

En el siguiente documento puedes consultar la programación completa por días de Cineuropa 37:

Así, o festival achegará un total de 117 películas que se complementan con dous concertos e con numerosas actividades especiais.