SUSTENTABILIDADE AMBIENTAL
O Monte Pedroso súmase ao movemento Slowlight co seu Mirador das Estrelas
Gravado en granito, permite coñecer e identificar as constelacións, nunha representación da súa situación un 25 de xullo en Santiago de Compostela
En consonancia coa iniciativa Slowlight, un movemento que defende a iluminación pública sustentable e a creación contornas urbanas sen contaminación lumínica, o Concello de Santiago desenvolveu un proxecto para crear o Mirador das Estrelas no Monte Pedroso, ademais da ordenación do uso dos espazos e da mellora dos seus accesos.
A alcaldesa Goretti Sanmartín, acompañada dos concelleiros Xesús Domínguez e Manuel César, realizaron unha visita ao planisferio celeste, gravado en granito, situado no cume do Monte Pedroso que permite coñecer e identificar as constelacións, nunha representación da súa situación un 25 de xullo en Santiago de Compostela. Na zona hai bancos para convidar á observación e fotografía nocturna das estrelas desde este lugar emblemático.
O Monte do Pedroso é un espazo de alto valor patrimonial, histórico e natural. Mediante esta actuación realizada con fondos EDUSI, creáronse espazos de descanso, zona de contemplación diurna das vistas da cidade, zona de contemplación nocturna, incorporación e consolidación de masas vexetais, posta en valor do conxunto, así como a mellora do equipamento e do uso social dese espazo.
Esta proposta desenvolveuse nunha superficie de 401.405 m2 atendendo a elementos históricos, ambientais e da divulgación científica. Este proxecto enmárcase dentro do programa REVIVE-Santiago EDUSI, concretamente na Liña de Actuación "LA7. Recuperación e promoción do Patrimonio Natural", tratándose dun grupo de actuacións dirixidas a promover a protección, fomento e desenvolvemento da paisaxe natural, cultural e urbana.
- Cierra un nuevo local en la 'milla de oro' de Santiago y ya se alquila por 3.500 euros al mes
- Vuelven los conciertos a la azotea de este hotel de Santiago: gastronomía y música para iniciar la cuenta atrás del verano
- Sin fecha para la residencia de Santiago donada por Amancio Ortega: la Xunta mantiene la previsión de abrirla este mes
- La Urbana llega a Santiago: el nuevo local de hamburguesas abrirá esta semana en Cancelas
- Caamaño asegura que Ángel Facio llega a Santiago para "coger el toro miura que es el CHUS
- Raxoi otorga la licencia para ampliar la gasolinera más barata de Santiago
- Sar: barrio rico, barrio pobre
- Los bailes y la música tradicional gallega llenaron el corazón del casco histórico de Santiago