Membros do Cretus aseguran que a diversidade ecolóxica altera o ciclo do carbono
Mellorar o feedback coa biosfera podería ser de utilidade na loita contra o cambio climático
Redacción
Utilizando teorías evolutivas recentes que explican que a evolución dos organismos vén determinada pola economía do carbono, un equipo da USC acaba de ampliar esta premisa ao nivel do ecosistema amosando como a diversidade de características das comunidades ecolóxicas inflúe tamén no devandito ciclo, descubrimento que podería ser útil na loita contra o cambio climático.
Mar Sobral e Antonio Martínez Cortizas, membros do Centro Interdisciplinario de Investigación en Tecnoloxías Ambientais da USC (Cretus) e do grupo EcoPast, publicaron xunto a Matthias Schleuning, pertencente ao Senckenberg Biodiversity and Climate Research Centre de Alemaña, o artigo titulado Trait diversity shapes the carbon cycle, no que profundan en como a diversidade de trazos das comunidades ecolóxicas está inherentemente vinculada ao ciclo do carbono.
“Os organismos cun tamaño corporal grande, como as árbores lonxevas e de crecemento lento, constitúen grandes reservas de carbono, mentres que os organismos de crecemento rápido, como as herbas ou os pastos anuais, soportan fluxos rápidos de carbono. Polo tanto, as diferenzas nas características das especies que forman as comunidades ecolóxicas poden causar cambios no devandito ciclo”, indican os investigadores da USC.
Nos últimos séculos, as actividades humanas e as emisións industriais aumentaron o carbono na atmosfera, feito que se vincula co quecemento global. “Mellorar a comprensión mecánica do ciclo do carbono e, en particular, as súas retroalimentacións coa biosfera, podería axudar a desenvolver medidas específicas para mitigar o cambio climático”, detallan Sobral e Cortizas.
- La tienda temática de Harry Potter más grande de España abre sus puertas en Santiago
- Estrella Galicia lanza la canción del verano: así suena el tema compuesto por un popular artista compostelano
- El jefe de la Policía Nacional de Santiago cesa de su cargo y se va a la Comisaría de La Rioja
- Casi un año esperando licencia en Santiago para instalar un ascensor y aislar la fachada: “É unha vergoña”
- La residencia de estudiantes del viejo hospital de Galeras costará unos 900 euros al mes
- La heredera de Rosario Porto cerró la venta del chalé de Teo en 150.000 euros
- A residencia de estudantes do antigo hospital de Galeras funcionará como hotel durante o verán
- La odisea de alquilar un piso para dormir durante O Son do Camiño: "Es imposible encontrar algo por menos de 1.200 euros