O PP sumáse ás demandas dos veciños de Concheiros para que se repoña a parada do autobús
Reclama ao Goberno do BNG que busque unha alternativa como pediron 60 persoas nun escrito remitido ao Concello o mes pasado
Redacción
Durante dous anos os autobuses urbanos non puideron dar servizo á rúa de Concheiros por mor das obras de reurbanización da vía que provocaron múltiples protestas veciñais. Pero máis dun ano despois de que se restablecese a circulación na zona, o servizo segue sen ser o mesmo que había con anterioridade. Falta a parada de bus que estaba fronte ao Gadis. O PP de Santiago súmase ás demandas dos habitantes do barrio, que esixen que se recupere.
A través dun comunicado, os populares de Santiago informaron este venres de que o concelleiro Adrián Villa, visitou a rúa dos Concheiros onde, despois da urbanización da mesma, a veciñanza perdeu a súa parada de autobús urbano. O edil, que se reuniu cos veciños, tivo acceso á copia do escrito presentado no rexistro municipal o pasado mes. Neste figuran máis de 60 sinaturas da veciñanza solicitando a recuperación desa parada que a liña C11, que sobe pola rúa de San Pedro, viña realizando.
Villa sumouse a esta demanda veciñal que tildou de “lícita e que, con vontade política, tería unha sinxela solución”. O concelleiro puido comprobar que, onde se atopaba a parada, ante un supermercado, quedou un espazo no que previsiblemente podería manterse este estacionamento para autobuses. Porén posteriormente empregouse este lugar para colocar os colectores de lixo subterráneos, “polo que agora non sería posible ou tería unha custosa e difícil solución”, indica o Partido Popular.
Non obstante, o concelleiro salientou que existen outras alternativas para que o autobús realice a súa parada, pero “é cuestión de vontade política, algo que parece que lle falta a este goberno do BNG”.
O edil Adrián Villa xustificou esta demanda posto que, desde o cruceiro da Coruña ata a avenida de Lugo non existe outra parada de autobús. Ademais o popular lamentou que “logo do que a veciñanza dos Concheiros sufriu con estas obras, non é comprensible eliminar unha parada de autobús que levaba alí toda a vida”.
- Estrella Galicia lanza la canción del verano: así suena el tema compuesto por un popular artista compostelano
- Casi un año esperando licencia en Santiago para instalar un ascensor y aislar la fachada: “É unha vergoña”
- Vecinos de Conxo acuden a la Fiscalía para frenar la senda entre San Caetano y Milladoiro
- Solo 15 edificios de más de 50 años han pasado la ‘ITV’ obligatoria en Santiago con el plazo a punto de vencer
- A residencia de estudantes do antigo hospital de Galeras funcionará como hotel durante o verán
- Asesinato en el San Serapio de Conxo: un ajuste de cuentas por la venta de droga adulterada terminó con una trágica muerte
- Mestrelab estrena a finales de septiembre su centro de investigación de Santiago
- Trabajadores de Finsa cortan la carretera de A Coruña delante de la fábrica para exigir 'un convenio justo