Da lei de protección animal a transición enerxética: Aínda hai prazas nos cursos de verán da USC
O xoves 24 acaba o prazo para matricularse nas últimas propostas para septembro
A inscripción deberá facerse en liñaou de xeito presencial nos centros de matriculación
Redacción
O xoves 24 de agosto remata o prazo de inscrición das últimas propostas da Universidade de Verán 2023 da USC. Os catro cursos cuxa matrícula permanece aínda aberta desenvolveranse do 4 ao 7 de setembro en Vilanova de Lourenzá, Lugo e Santiago de Compostela. Afondarán na pegada de Fernández del Riego na cultura galega, na lexislación relativa á protección animal, na prestación de servizos sanitarios no século XXI, e a análise socio-económica e ambiental da transición enerxética centran as últimas propostas da convocatoria, segundo informou onte a USC nunha nota de prensa.
A segunda edición do curso ‘Protección e maltrato animal. Unha perspectiva actual das normas e actuacións desde o ámbito legal e veterinario’ aproveita a recente publicación da Lei sobre protección e dereitos dos animais en España para analizar, da man de diferentes organismos e entidades públicas e privadas, estas modificacións lexislativas e o seu impacto no traballo das diferentes administracións e das e dos profesionais que actúan neste eido, tanto dende o ámbito da veterinaria ou a enxeñaría agrícola, coma da avogacía ou das forzas e corpos de seguridade do Estado. Dirixido por Mª Mercedes Camiña García, desenvolverase do 4 ao 7 na Facultade de Veterinaria da USC e no Instituto de Biodiversidade Agraria e Desenvolvemento Rural (IBADER) de Lugo, co cofinanciamento do Colexio Oficial de Veterinarios de Lugo, de Galeno Especialidades Veterinarias . e da Deputación de Lugo.
O obxectivo do curso ‘Francisco Fernández del Riego na cultura galega do século XX’ é analizar a traxectoria e a obra do autor homenaxeado nas Letras Galegas de 2023, pero tamén a súa achega como activista, intelectual, estudoso e escritor, nos seus sucesivos contextos históricos, e en relación cos fenómenos sociais e os proxectos políticos e culturais en que se implicou: dende a IIª República (como parte do movemento estudantil universitario e do Partido Galeguista), á guerra civil española, pasando pola ditadura franquista (co seu labor na resistencia política e cultural, na Editorial Galaxia, a Fundación Penzol e a revista Grial, así como na súa relación coa diáspora galeguista) e a autonomía. Co cofinanciamento do Concello de Vilanova de Lourenzá, a Deputación de Lugo e a Real Academia Galega, o curso desenvolverase do 4 ao 7 de setembro no Auditorio Casa Concello de Vilanova de Lourenzá baixo a dirección de Henrique Monteagudo.
Na súa décima edición, o curso ‘A prestación de servizos sanitarios ante os retos do século XXI’, combina a análise académica e a experiencia práctica para achegar unha unha visión multidisciplinar a este campo de traballo. O seu obxectivo principal é a divulgación, a reflexión e o debate sobre temas actuais, controvertidos e de interese; que transitarán por cuestión vencelladas á psicobioloxía e o dereito, a humanización da sanidade, a consideración da discapacidade e da enfermidade, ou os dereitos da persoa na etapa final da súa vida. Desenvolverase do 4 ao 7 de setembro na Facultade de Dereito de Santiago baixo a dirección de Belén Trigo García.
Finalmente, a proposta ‘Desmaterialización, decrecemento e transición enerxética: claves a partir da triple análise social/económica e enerxético-ambiental’ proponse estudar os diferentes significados que se asocian á idea de progreso e prosperidade e analizar as políticas socioeconómicas encamiñadas a conseguilos, ademais de estudar o impacto da desmaterialización, o do desacoplamento na realidade enerxética actual; e explorar os principais modelos enerxéticos verdes en España desde unha perspectiva multidisciplinar, tanto teórica como práctica: socioeconómica, normativa, ambiental, técnica e administrativa. Rosa María Regueiro Ferreira dirixe este curso que terá lugar do 4 ao 7 de setembro na Facultade de Ciencias Económicas e Empresariais de Santiago de Compostela.
A inscrición nos cursos da Universidade de Verán “farase preferiblemente en liña, a través da páxina web específica da Área de Cultura da USC, ou de xeito presencial nos centros de matriculación”, informa a USC. En caso de non poder cursala por estes medios, as persoas interesadas poderán contactar por vía telefónica cos secretarías da Universidade de Verán nos Campus de Santiago (881.811.018) e Lugo (982.821.513). Os estudantes recibirán dous créditos por cada curso de máis de 25 horas e un crédito polos que teñan unha duración menor.
- Tristura no mercado de abastos santiagués polo pasamento de Lolo Fernández
- Casi un año esperando licencia en Santiago para instalar un ascensor y aislar la fachada: “É unha vergoña”
- Vecinos de Conxo acuden a la Fiscalía para frenar la senda entre San Caetano y Milladoiro
- Solo 15 edificios de más de 50 años han pasado la ‘ITV’ obligatoria en Santiago con el plazo a punto de vencer
- Asesinato en el San Serapio de Conxo: un ajuste de cuentas por la venta de droga adulterada terminó con una trágica muerte
- Trabajadores de Finsa cortan la carretera de A Coruña delante de la fábrica para exigir 'un convenio justo
- Dos nuevos cortes de tráfico en Santiago: una de las calles afectadas estará cortada hasta este viernes
- “Chamábannos a Universidade paralela porque moitos aprobaban estudando polos nosos apuntes”