A rúa Pastoriza quedará pechada ao tráfico durante os próximos 3 meses dende este xoves

A partir deste xoves, 14 de setembro, a rúa Pastoriza quedará pechada ao tráfico durante aproximadamente 3 meses debido á execución das obras de urbanización e de adecuación das infraestruturas urbanas da vía. O obxectivo desta intervención é a mellora da mobilidade e accesibilidade do barrio da Almáciga na súa vertente oeste e nas súas zonas altas. En concreto, esta fase centrarase nesta arteria principal que se estende desde San Roque ata a praza da Paz, xa en Salgueiriños, e que conecta o barrio co resto da cidade.

Durante os tres meses estimados de duración dos traballos, os vehículos serán desviados cara ás rúas Xoán XXIII e Coimbra.

Raxoi aproba a licitación do proxecto de mellora da zona da Pastoriza

Transporte urbano

Con motivo das obras que se realizarán na rúa Pastoriza, as liñas que circulan pola zona terán que realizar desvíos nos dous sentidos de circulación. En concreto, veranse afectadas as seguintes liñas: 1, 4, 5, 6, 6A, 8, 9, C6, P1, P2, P4, P5, P6 e P7.

Na páxina web de Tussa pódense consultar as paradas suprimidas e alternativas para cada liña: https://t.ly/IwKFR.