Raxoi quere reter talento na USC ofrecendo facilidades de vivenda e laborais aos estudantes

O Club Financieiro de Santiago presentou na mañá deste venres no Pazo de Raxoi o seu informe económico correspondente a 2022. Deste traballo, que vai xa pola sexta edición, extráense datos como a taxa de desemprego da cidade, próxima á plena ocupación laboral, cun 4,4% de paro, a triplicación do número de peregrinos estranxeiros ou o récord do aeroporto Rosalía de Castro, que por primeira vez superou os 3,5 millóns de pasaxeiros en 2023.

Sanmartín ve con buenos ojos que el antiguo hospital de Galeras se convierta en una residencia para estudiantes

Envellecemento poboacional e menos universitarios

Pero non todo son boas noticias. Ao igual que o resto de Galicia e de España o problema do envellecemento poboacional afecta a Santiago, cunha procentaxe do 23,3% de poboación maior de 64 anos (o dato comarcal é do 21%). A isto hai que engadirlle que o municipio non consegue reter a poboación universitaria, unha cuestión non só ligada aos problemas de acceso á vivenda, tamén por mor da falta de "oportunidades de traballo", apuntaba María Bastida, do club financeiro. Unha cuestión que a alcaldesa Goretti Sanmartín apuntaba como prioritaria do seu goberno, "queremos que o estudantado teña oportunidades laborais aquí", polo que se establece un marco de colaboración coa USC, "para reter ese talento".

“Temos a vontade de adquirir algún edificio na zona vella para uso residencial”

Diversificación económica

María Bastida tamén apuntaba a necesidade de "apoiar a diversificación económica" na busca de que a capital sexa máis competitiva, e reseñaba a alta dependencia da capital do sector público. "Un tercio do sector asalariado da cidade traballa no Sergas, na Xunta ou na universidade", destacaba.

Outro factor económico que domina Santiago é o turismo e ligado a el o sector servizos, dependentes directamente de elementos como a estacionalidade. A cifra de vivendas de uso turístico (VUT) aumentou un 30% na comarca, e en Compostela multipliouse por 4 a oferta.

De 150 por noche para el cliente a 25 euros para el dueño: los gastos que recortan el beneficio de las VUT

O solo industrial e as facilidades para que as empresas se establezan na cidade é outra das cuestións nas que afonda o informe do Club Financieiro de Santiago. "Non se pode ter solo industrial, empresarial e comercial", apuntaba Bastida en referencia á necesidade de tomar decisións dende o Concello e fixarse obxectivos. Cuestión á que tamén facía referencia Sanmartín, que asegura que o seu goberno procura "facilitar que as empresas se poidan establecer en Santiago", algo para o que considera favorecedor a posta en marcha "do Orbital, o Orbitaliño e s estación intermodal".