Debate entre os candidatos á Alcaldía de santiago: a relación entre cidade e Universidade
A Facultade de Ciencias da Comunicación será hoxe o escenario dun faladoiro que comezará ás 19.00 horas // Tratarán a relación institucional, a mobilidade e a vivenda e a posteriori haberá rolda de preguntas
A Universidade de Santiago acollerá hoxe un debate coas persoas candidatas á alcaldía da cidade coa finalidade de dar a coñecer as demandas e suxestións da comunidade universitaria de cara ás eleccións municipais do vindeiro 28 de maio. O Auditorio da Facultade de Ciencias da Comunicación acollerá, a partir das 19.00 horas, un faladoiro moderado polo profesor Xosé Ramón Pousa e que contará coa participación de PSdeG, PP, Compostela Aberta e BNG.
O debates estará estruturado en catro bloques. Logo dunha presentación xeral a cargo do moderador, a primeira parte dos debates xirará arredor da relación institucional, onde se poñerán enriba da mesa propostas para a simplificación das relacións institucionais no eido da xestión entre administracións e para a dinamización da relación entre tecido empresarial, cidade e universidade. A continuación, o faladoiro pasará a abordar propostas de convivencia dos desprazamentos da comunidade universitaria, dende unha perspectiva sustentable, cos plans de mobilidade da cidade.
A vivenda será o eixo sobre o que se artellará o terceiro dos bloques. Neste punto, os e as representantes poderán profundar en propostas para facilitar acceso á vivenda de aluguer na cidade nun contexto onde os domicilios destinados a outros usos fan diminuír, substancialmente, a oferta e obrigan aos estudantes a buscar outras opcións.
Finalmente, o debate pecharase cunha quenda libre no que cada participante poderá cerrar a súa intervención facendo un resumo de propostas. Ademais, repartiranse papeis ás persoas asistentes para que poidan escribir as súas preguntas, que formulará o moderador nunha rolda aberta de quince minutos. En cada un dos bloques, cada intervención individual terá unha duración de tres minutos.
O acceso para asistir de xeito presencial será libre ata completar a capacidade do Auditorio e o evento será retransmitido en directo dende a canle oficial de YouTube da USC.
- Rodolfo Porto, de Talleres Cholo: 'Por mucho ordenador que haya, los hierros de los vehículos hay que arreglarlos”
- Muere la compostelana Patricia Maceira Villaverde, directora de la Garrido Gallery de Madrid
- Compartir todos por igual', se gritó en Santiago en el día grande del Banquete de Conxo
- Preocupación en las unidades de drogodependencia, entre ellas la de Santiago, por la falta de avances con la Xunta
- Los usuarios aplauden el estreno del autobús directo al aeropuerto: "A liña 6 estaba moi saturada
- Dónde comer en Santiago si eres celíaco: estos son los mejores restaurantes sin gluten de la ciudad
- Un incendio en una campana extractora en un piso en Santiago moviliza a los bomberos
- Estos son los tres mejores restaurantes de comida mexicana de Santiago