Raxoi analiza os problemas de espazo da Escola Oficial de Idiomas co seu director
Sanmartín apunta a "un acordo entre a Xunta e a USC para que os edificios das facultades de Enfermería e Ciencias da Educación de Xoán XXIII poidan acoller un centro único e de maior relevancia”
![Pilar Lueiro, Goretti Sanmartín e Gonzalo Constenla.](https://estaticos-cdn.prensaiberica.es/clip/b9507243-4c2c-4e09-ba10-35637513160a_16-9-aspect-ratio_default_0.jpg)
Pilar Lueiro, Goretti Sanmartín e Gonzalo Constenla. / Concello
K.M.
Os problemas das infraestruturas da Escola Oficial de Idiomas de Santiago centraron boa parte do encontro que onte mantiveron en Raxoi a alcaldesa, Goretti Sanmartín, e a concelleira de Deportes e Relacións Veciñais, Pilar Lueiro, co director do centro, Gonzalo Constenla.
Unha reunión na que abordaron tamén outros temas como a nova edición da gala aRitmar e futuros proxectos de colaboración entre as dúas institucións para a promoción da cultura e dos idiomas entre a cidadanía compostelá.
Durante a xuntanza, os asistentes falaron do problema de falta de espazos e infraestruturas do centro, posto que é algo que imposibilita á escola poder albergar o actual número de alumnado, distribuído nos seus dous centros de Vite e de Sar, así como ampliar o número de linguas ofertadas.
A rexidora municipal comprometeuse a “poñer diante do presidente da Xunta de Galicia a posibilidade dun acordo entre a Xunta e a Universidade de Santiago para que os edificios das facultades de Enfermería e Ciencias da Educación de Xoán XXIII poidan acoller un centro único e de maior relevancia”, que permita á EOI “ofrecer un maior número de idiomas e que os espazos cumpran o decreto existente”, un centro “á altura do que a capital de Galiza merece”, segundo sinalou.
No encontro tamén se abordou a celebración da oitava edición da gala aRitmar Galiza e Portugal, un proxecto didáctico-cultural, desenvolvido pola Escola Oficial de Idiomas de Santiago co apoio do Concello compostelán e da Deputación da Coruña, que ten por obxectivo divulgar a música e a poesía galego-portuguesas actuais. Tamén se trataron outros proxectos internacionais e de promoción de actividades culturais, así como novas posibilidades de colaboración entre as dúas institucións para o vindeiro ano.
Goretti Sanmartín recordou que a EOI é un centro “moi importante para Santiago de Compostela e un espazo de relación para moitas persoas”, polo que mandou ao seu director unha mensaxe “de total apoio, compromiso e colaboración” por parte do Concello coa EOI.
Gonzalo Constenla agradeceu a “grande receptividade” por parte da rexedora municipal, e reiterou a importancia de que a Escola Oficial de Idiomas poida dispor dun “centro adaptado ás nosas necesidades e ao que di a propia lexislación educativa da Xunta de Galicia”, ante un problema que levan sufrindo quince anos.
- Antonio Catalán, fundador de AC Hotels by Marriott: 'La auténtica pandemia que tenemos ahora es la del piso turístico
- Así es el impresionante ático dúplex en venta en Santiago de Compostela, con espectaculares terrazas y el piso más barato del casco histórico
- “Nunca he estado en una ciudad como Santiago, por eso creo que estoy muerto y me lo he inventado todo”
- Limpieza de alcantarillas en Santiago para prevenir inundaciones ante la posible llegada de una DANA
- Atardecer no Gaiás 2024: estos son los conciertos para gozar de las puestas de sol del verano en Compostela
- Dos jóvenes resultan heridas en sendos atropellos en Santiago
- ¿Ganas de un pulpo á feira? Dónde comer este delicioso manjar en Santiago
- La comarca del Sar llora a Lidia Angueira, mujer coraje y fundadora de Pulpería Rial